Makalipas ang labindalawang taon, muling mapapanood si Cristine Reyes sa GMA-7 dahil siya ang celebrity judge ngayong tanghali sa "Bawal Judgmental" ng Eat Bulaga.
Nagsimula ang showbiz career ni Cristine nang sumali siya noong 2003 sa Season 1 ng StarStruck, ang reality-based artista search ng GMA-7.
Nang pumirma si Cristine ng exclusive contract sa Viva Artists Agency noong 2008, lumipat siya sa ABS-CBN.
Dito namayagpag nang husto ang takbo ng kanyang acting career sa telebisyon at sa pelikula.
Kabilang si Cristine sa exclusive contract stars ng Viva Artists Agency na dating napapanood sa mga programa ng Kapamilya Network na lalabas sa popular game segment ng Eat Bulaga dahil nauna nang naglaro sina Meg Imperial at Louise delos Reyes.
Noong Kapuso actress pa si Cristine, madalas ang mga guesting niya sa Eat Bulaga kaya maituturing na “homecoming” ang kaabang-abang na paglabas niya sa "Bawal Judgmental."
