Itinanggi ni Lotlot de Leon ang mga haka-hakang magkasundo na sila ng kanyang estranged adoptive mother na si Nora Aunor.
Nag-ugat ang espekulasyong nagkasundo na ang mag-ina dahil nag-post si Lotlot sa Instagram account niya ng litrato nilang magkasama, limang araw na ang nakalilipas.
Kuha ang black-and-white photo noong bata pa si Lotlot.
Walang inilagay na caption si Lotlot maliban sa black heart at dizzy emojis.
Ngunit ayon kay Lotlot, nag-post siya ng larawan nila ni Nora dahil mahal at nami-miss niya ang kanyang ina.
Wala na raw ibang dahilan. Ikinagulat niya ang mga kumakalat na kuwentong, diumano, magkabati na sila ni Nora.
“My posting of my mom’s picture and I, is just because I love her and miss her. Yun lang yun,” paliwanag ni Lotlot.
Ang entertainment writer at confidante ni Lotlot na si Rommel Gonzales ang nagsabi sa Cabinet Files tungkol sa gagawing paglilinaw ni Lotloit sa isyu sa darating na Martes, September 8.
"Ayaw niya nang magsalita. Lahat daw ng sasabihin niya, mapapanood sa Tuesday, sa YouTube Channel niya," sabi ni Rommel.
"Wala naman ibang reason sa pagpo-post ni Lotlot ng photo nila ng mommy niya kundi, ayon sa kanya, nami-miss niya ang mommy niya.
“And mommy niya ‘yon, so hindi naman issue kung mag-post siya ng photo nilang dalawa. Actually, nagulat siya na bakit naging issue, e, wala namang issue.
“Lahat ng questions, lahat ng speculations, masasagot sa Martes sa YouTube channel ni Lotlot, doon niya sasabihin ang lahat, especially tungkol sa kanila ng mommy niya."
Igniit ni Rommel na talagang matagal nang hindi nagkikita at nagkakausap sina Nora at Lotlot.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika
