Isang pribadong pagluluksa para sa biglaang pagpanaw ng former actor na si Royette Padilla ang isinasagawa ng kanyang pamilya.
Sumakabilang-buhay si Royette noong Sabado, January 9, sa edad na 58.
At press time, hindi pa naglalabas ng opisyal na pahayag ang Padilla family tungkol sa sanhi ng pagpanaw ni Royette.
Pero nakasaad sa death certificate ni Royette na "cardiac dysrhythmia" ang dahilan.
Sinubukan ni Royette na mag-artista noong dekada ’90. Napanood siya sa mga pelikulang pinagbidahan ng kanyang kapatid na si Robin—ang Mistah, Di Na Natuto, at Bilib Ako Sa 'Yo.
Naulila ni Royette ang kanyang limang anak na sina Nico, Kevin, Isabela, Bettina, at Roy III.
Nakatakda ang libing ni Royette sa darating na Huwebes, January 14.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika
