Ang pagkanta ng kanyang three-year-old daughter na si Tali ng "Happy Birthday Dear Daddy Vic" ang highlight ng simple birthday celebration ni Vic Sotto sa Eat Bulaga ngayong Miyerkules, April 28.
Ngayong araw ang 67th birthday ni Vic.
Mabuting kalusugan ng lahat ang tanging kahilingan ng veteran TV host-comedian sa pangalawang taon ng pagdiriwang niya ng kaarawan sa panahon ng coronavirus pandemic.
"Good health para sa lahat ng tao. Sabi nga, sama-sama tayo, tulong-tulong para makaraos at maayos na ang lahat.
"Basta importante, good health para sa lahat, good health para sa ating bayan," pahayag ni Vic.
MESSAGES FROM TITO SEN & JOEY
Muling nakumpleto sa Eat Bulaga! ang trio nina Vic, Joey de Leon, at Senate President Tito Sotto dahil nagbigay rin ng mensahe ang dalawa.
“Pare, happy birthday, I love you and Tali, ang galing. Very good,” sabi ni Joey, na humanga sa pagkanta ng anak nina Vic at Pauleen Luna.
Ang matupad naman ang kahilingan ni Vic ang mensahe ni Tito para sa kanyang kapatid.
“Sana yung wish mo na makaraos tayong lahat dito sa pandemyang pinagdadaanan natin ay matupad.
"Binabati ka namin, in behalf of my entire family. Lahat ng mga kapatid mo, bumabati kami sa 'yo ng isang maligayang kaarawan.
"God bless, stay safe, we love you very much."
Tungkol sa mga personalidad na nagsimula ang showbiz career sa edad na lima o mas bata pa ang pinahulaan sa virtual edition ng "Bawal Judgmental" ng Eat Bulaga.
Pero may koneksiyon pa rin sila kay Vic dahil nakatrabaho nito noon ang choices na sina Ice Seguerra, Ryzza Mae Dizon, Ryza Cenon, Baste Arumpac, Isabelle de Leon, Buboy Villar, at Epy Quizon.
Napaiyak si Baste nang batiin nito si Vic ng "Happy Birthday" dahil matindi ang kanyang pangungulila sa TV host-comedian na matagal na niyang hindi nakakasama at nakikita nang personal.
Memorable naman kay Ice ang pagtrato sa kanya ni Vic na parang tunay na anak dahil sa matagal na pagsasama nila sa defunct sitcom na Okey Ka Fairy Ko, Eat Bulaga, at mga pelikula.
"Ang sarap, parang pamilya talaga. Ang sarap ng pakiramdam. For me, ‘yon ang very memorable," sabi ni Ice.
Use these Shopee vouchers when you shop or order online. Marami pang ibang coupons dito.
