Parang puzzle na unti-unting nabubuo ang misteryo ng kuwento tungkol sa complicated relationship ni Miss Universe Philippines 2020 Rabiya Mateo at ng kanyang boyfriend na si Neil Salvacion.
Sa interbyu ni Boy Abunda kay Rabiya noong Sabado, May 29, para sa kanyang The Boy Abunda YouTube Channel, hindi nakaligtaan ng award-winning TV host na tanungin ang beauty queen tungkol sa balitang may problema sa relasyon nila ng boyfriend niya.
Sagot ni Rabiya, "Tito Boy, it’s a complicated situation and we need to talk about things when I go back to the Philippines, but we’re friends.
"I still try to contact him but we need to have this space as of the moment, but I’m not closing any doors.
"We’ve been in this kind of situation before. We’ve been together for seven years and who knows po."
Tila hindi makaliligtas si Rabiya mula sa proverbial seven-year itch.
Pero inabswelto ang former PBB housemate na si Andre Brouillette, na nadawit sa isyu nila ni Neil dahil magkasama sila sa mga litratong lumabas at binigyan ng ibang kahulugan ng netizens.
Apparently, a case of mistaken identity ang pagkakaugnay ni Andre kay Rabiya dahil ibang lalake ang diumano’y masugid na manliligaw ngayon ng reigning Miss Universe Philippines.
Reportedly, mula sa Texas, USA ang mystery guy.
Sinabi naming nabubuo na ang puzzle dahil nasa Texas si Rabiya nang makapanayam siya ni Boy noong Sabado.
Sooner or later, tiyak na malalaman ng publiko ang katauhan ng mystery guy na nanunuyo ngayon kay Rabiya.
Mabilis kumalat ang balita at walang puwedeng ilihim mula sa netizens na passionate sa paggawa ng sariling imbestigasyon sa mga kontrobersiyal na isyu na pumupukaw sa kanilang mga curiosity at interes.
Use these Nike promo codes when you shop or order online. Marami pang ibang coupons dito.