Ang mag-asawang Gary Estrada at Bernadette Allyson ang isinama ni Rob Gomez sa special screening ng A Girl + A Guy ng UPSTREAM Original, ang launching movie nila ni Alexa Miro na mula sa direksyon ni Erik Matti.
Tiyo ni Rob si Gary dahil kapatid ito ng kanyang ina na si Kate Gomez.
“Marunong ka pala umarte,” reaksiyon ni Gary nang mapanood niya ang unang pelikula ni Rob, na ikinatuwa naman nang husto ng baguhang aktor.
Masayang-masaya si Rob sa suportang natanggap niya mula kay Gary at sa opinyon ng mga nanood sa A Girl + A Guy na para sa isang baguhan, talagang mahusay ang kanyang performance.
Si Alexa ang leading lady ni Rob sa A Girl + A Guy, at ang pagbibida niya sa pelikula ang katuparan ng kanyang pangarap maging artista.
Limang taon si Alexa nang sumali siya sa Munting Miss U, ang beauty pageant ng defunct noontime show ng ABS-CBN na MTB (Magandang Tanghali Bayan).
Noon pa man, ambisyon na ni Alexa pumasok sa showbiz.
Sa mga baguhang sexy star sa kasalukuyan, si Alexa ang pinakamapangahas dahil matapang niyang ginawa ang mga frontal nudity scene sa A Girl + A Guy na importante sa kuwento ng pelikula.
Unfortunately, nag-leak na sa Internet ang litrato ng beach scene ni Alexa at ng Spanish actor na si Emilio Francisco, na hindi rin nagdalawang-isip gawin ang frontal nudity scene.
Co-stars nina Rob at Alexa sa A Girl + A Guy ang newcomers na sina Sarah Holmes, Pau Benitez, Rosh Barman, Carlo Tarobal, Chloe Reyes, Shaun Salvador, at Miss Philippines Eco Tourism 2012 Candice Ramos na matatapang ding naghubad sa kanilang mga eksena.
Ikinuwento ni Candice sa kanyang ina na may sexy scenes siya sa A Girl + A Guy, pero wala ang nanay niya sa special screening.
Nag-aalala si Candice na baka hindi niya "ma-manage" ang emosyon ng kanyang ina kapag nakita nito ang kanyang mga eksena.
Sinabi ni Candice na tapos na ang pageant journey niya kaya hindi na ito maaapektuhan ng kanyang mga daring scene sa A Girl + A Guy, na nag-umpisa ang streaming sa UPSTREAM.ph noong June 24 at patuloy na napapanood sa naturang streaming site.
Use these GrabFood promo codes when you shop or order online. Marami pang ibang coupons dito.