Senator Manny Pacquiao, pinaratangan ng Net 25 ng pambabastos

by Jojo Gabinete
Feb 3, 2022
Manny Pacquiao loves LGBT community
Net 25 on Senator Manny Pacquiao: "Ikinadismaya ng network ang kawalan ng respeto sa oras ng kapwa. Lubos pa na nakapagpalala rito ang naglalabasang report na taliwas sa katotohanan. Marami na nga ang kumikwestyon sa kaniyang kakayahan at karanasan na pamunuan ang bansa sa gitna ng gahiganteng problema na dulot ng pandemya. Idagdag niyo na ngayon d'yan ang kwestyon sa pagkatao niya."
PHOTO/S: Jerome Ascano for PEP.ph

"Binastos ang NET25" ang mabigat na paratang ng management ng nabanggit na television network laban sa presidential aspirant na si Senator Many Pacquiao.

Ito ay dahil sa hindi natuloy na panayam sa kanya ng mga host ng Ano Sa Palagay N’yo noong Lunes, January 31, 2022.

"Pacquiao, Binastos ang Net25" ang pamagat ng official statement na inilabas ng NET25 na humihingi ng respeto mula kay Pacquiao.

Ito ang kabuuan ng pahayag ng NET25 tungkol sa insidenteng ikinadismaya ng kanilang mga tauhan kaya naging personal ang pag-atake nila sa Pambansang Kamao:

“Taliwas sa mga ipinalalabas sa ilang ulat na umatras si Sen. Manny Pacquiao sa interview ng NET25. Ang crew at hosts pala ang pinag-pull-out ng TV network dahil sa napakahabang oras na paghihintay ng mga ito sa presidential aspirant na hindi tumalima sa napagkasunduan.

“Ayon sa Director ng ASPN Primetime na si Jeannie Gualberto, nakipag-ugnayan ang team ni Pacquiao sa NET25 para ma-interview ng programa ang kanilang kandidato. Itinakda ang taping alas-kwatro ng hapon noong January 31, 2022, sa kanilang headquarters sa Makati City.

ADVERTISEMENT - CONTINUE READING BELOW ↓

"Tatlong araw bago ang schedule, ipinalipat nila ng 1PM dahil may conflict daw sa isa pang interview sa ibang network. Subalit sa mismong araw ng scheduled interview, ibinalik muli sa 3 PM, sa kadahilanang may senate session. Pagsapit ng alas-tres ng hapon ay humirit na naman na gawing 4 PM dahil patapos na raw ang session.

"Nang hindi pa rin dumating sa 4PM, nag-abiso muli ang kaniyang staff; magbobotohan na raw at pagkatapos nito ay makakaalis na siya mula sa kaniyang bahay. Sa puntong ito, nasa sampung oras nang naghihintay ang media crew ng NET25.

"Kasama nilang naghihintay ang ka-tandem ni Sen. Pacquiao na si Mayor Lito Atienza na dumating naman ng alas-12 ng tanghali sa naturang HQ para sa interview. Pagsapit ng alas-singko ng hapon, wala pa rin ang dapat sana'y i-interview-hin ng team.

"Nang makarating sa management ang pinagdaraanan ng crew at hosts, napagdesisyunan na i-pack-up ang panayam at i-pull-out lahat ng gamit. Ikinonsidera ng management na ang Team ASPN ay mayroong live program pa sa umaga at nakatakdang magsagawa ng interview kay Presidential aspirant Ferdinand “BongBong” Marcos Jr. at Atty. Larry Gadon sa hapon.

ADVERTISEMENT - CONTINUE READING BELOW ↓

"Ikinadismaya ng network ang kawalan ng respeto sa oras ng kapwa. Lubos pa na nakapagpalala rito ang naglalabasang report na taliwas sa katotohanan. Marami na nga ang kumikwestyon sa kaniyang kakayahan at karanasan na pamunuan ang bansa sa gitna ng gahiganteng problema na dulot ng pandemya. Idagdag niyo na ngayon d'yan ang kwestyon sa pagkatao niya.

"RESPETO SA KAPWA. LALO NA SA MALILIIT. ALAM MO DAPAT. DAHIL DOON KA GALING.”

Bukas ang PEP.ph sa panig ng kampo ni Manny Pacquiao kaugnay ng isyung ito.

HOT STORIES

We are now on Quento! Download the app to enjoy more articles and videos from PEP.ph and other Summit Media websites.
Read Next
Featured
Latest Stories
Trending in Summit Media Network

Featured Searches:

Read the Story →
Net 25 on Senator Manny Pacquiao: "Ikinadismaya ng network ang kawalan ng respeto sa oras ng kapwa. Lubos pa na nakapagpalala rito ang naglalabasang report na taliwas sa katotohanan. Marami na nga ang kumikwestyon sa kaniyang kakayahan at karanasan na pamunuan ang bansa sa gitna ng gahiganteng problema na dulot ng pandemya. Idagdag niyo na ngayon d'yan ang kwestyon sa pagkatao niya."
PHOTO/S: Jerome Ascano for PEP.ph
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results