Watch Now

Ai-Ai delas Alas, ikinatuwa na nangunguna sa ratings ang Raising Mamay

by Jojo Gabinete
Apr 28, 2022
Ai-Ai delas Alas, Raising Mamay
Bagong GMA-7 series ni Ai-Ai delas Alas na Raising Mamay, namamayagpag sa afternoon block. Bukod dito ay kabilang si Ai-Ai sa hinirang na Most Exceptional Men and Women sa awards night na inorganisa ng Mrs. Universe Organization.
PHOTO/S: @msaiaidelasalas Instagram

Ang Raising Mamay ang nangunguna ngayong afternoon drama series ng GMA-7.

Ito ang magandang balitang natanggap ni Ai-Ai delas Alas nang dumalo siya sa Philippines' Most Exceptional Men and Women Awards Night ng Mrs. Universe Philippines Organization kagabi, April 27, 2022.

Pinamumunuan ng former That’s Entertainment member na si Charo Laude ang organisasyon.

Ayon sa preliminary data ng Nationwide Urban TV Audience Measurement (NUTAM) People Ratings, ang pilot episode ng Raising Mamay ay nakakuha ng 5.6 percent.

Malayo ang agwat nito sa katapat na mga programa.

"Thank you, Lord," ani Ai-Ai.

Lubos na maligaya ang Kapuso star nang malamang patuloy na tumataas ang rating ng Raising Mamay mula nang mag-umpisa itong mapanood sa Kapuso Network noong Lunes, April 25.

Pinasalamatan din ni Ai-Ai ang viewers ng drama series na tinatawag ngayong "Rating Mamay."

Bida rito si Ai-Ai, at pati ang co-stars niyang sina Antonio Aquitania, Tart Carlos, at Ina Feleo ay umaani ng papuri sa mahusay na pagganap nila sa show.

ADVERTISEMENT - CONTINUE READING BELOW ↓

Read: Harry Roque ribs Ai-Ai delas Alas for choosing UniTeam: "Hindi mawawala ang iyong prangkisa."

Philippines' Most Exceptional Men and Women Awards Night

Dumalo si Ai-Ai sa awards night ng Mrs. Universe Philippines dahil kabilang siya sa mga tumanggap ng parangal.

Recipient din ng Most Exceptional Men and Women Award sina Senator Bong Revilla Jr., Manila City Mayor Isko Moreno, Arnell Ignacio, Lhar Santiago, at Wendell Ramos.

Pinarangalan din ang Raya Sirena star na si Sofia Pablo at ang former Eat Bulaga executive na si Malou Choa-Fagar.

Kasama rin sa binigyan ng recognition ang GMA-7 executives na sina Lilybeth Rasonable, Annette Gozon-Valdes, Joey Abacan, Gigi Santiago-Lara, Bang Arespacochaga, at dating Kapuso executive na si Redgie Magno.

Wendell Ramos, Gigi Lara-Santiago, Redgie Magno, Malou Choa-Fagar, Gina Marissa Tagasa Arnell Ignacio,  Bang Arespacochaga

ADVERTISEMENT - CONTINUE READING BELOW ↓

Ang talent manager na si Wowie Roxas, ang GMA entertainment reporter na si Lhar Santiago, at ang writer na si Gina Marissa Tagasa ay pasok din sa Most Exceptional Men and Women Award.

Lhar Santiago, Ai-Ai delas Alas, and Wowie Roxas

Ang Okada Grand Ballroom ang venue ng awards night ng Mrs. Universe Philippines Organization.

Kasabay nito ang preliminary competition ng Miss Universe Philippines 2022 kaya dumagsa ang mga tao sa Okada Manila, pero mahigpit na ipinatupad ang health protocols tulad ng pagsusuot ng face mask at social distancing.

ADVERTISEMENT - CONTINUE READING BELOW ↓

HOT STORIES

Read Next
Featured
Latest Stories
Trending in Summit Media Network

Featured Searches:

Read the Story →
Bagong GMA-7 series ni Ai-Ai delas Alas na Raising Mamay, namamayagpag sa afternoon block. Bukod dito ay kabilang si Ai-Ai sa hinirang na Most Exceptional Men and Women sa awards night na inorganisa ng Mrs. Universe Organization.
PHOTO/S: @msaiaidelasalas Instagram
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results