Ang aksidente o wala sa planong pagbubuntis ang dahilan kaya pansamantalang mawawala sa sirkulasyon ang aktres na sunud-sunod ang mga project.
Kilala sa pagiging competitive ang aktres na nagtagumpay dahil napansin ang kanyang kakaibang sipag, determinasyon, at talento sa pag-arte.
Sa kasamaang-palad, sa ayaw at sa gusto ng aktres, kailangan niyang magpahinga dahil sa kanyang kalagayan.
Ikinagulat ng mga nakakakilala sa aktres ang pagbubuntis nito dahil bukod sa pagiging matalino, "career woman" ang imahe niya sa showbiz at wala sa tipo niya ang magiging dalagang ina.
Kontrobersiyal ang pagbubuntis ng aktres dahil may pananagutan na ang lalakeng itinuturong ama ng sanggol na kanyang dinadala.
Palaisipan sa mga nakakakilala sa aktres ang pagpatol nito sa lalakeng pinagbibintangang nakabuntis sa kanya na alam niyang may asawa at anak kaya talong-talo siya sa pinasok na sitwasyon.
Isang malaking showbiz scandal ang tiyak na sasabog at pagpipistahan kapag napatunayan ang katauhan ng ama ng sanggol na ipinagbubuntis ng aktres.