Sa December 12 pa ang ika-limang anibersaryo ng church wedding ni Ai-Ai delas Alas at ng kanyang asawa na si Gerald Sibayan, pero ipinagdiwang na nila ito sa pamamagitan ng renewal of vows sa Las Vegas, Nevada, noong Miyerkules, November 30, 2022.
Si Gerald ang may desisyong muli silang magpakasal ni Ai-Ai sa kanyang kaarawan.
Plano nilang ulitin ang pag-iisang-dibdib sa ika-sampung taong anibersaryo, sa 2027, ng kanilang church wedding na naganap noong December 12, 2017 sa Christ The King Church sa Green Meadows, Quezon City.
Read: Ai-Ai delas Alas weds Gerald Sibayan: "Yes, super I do, Father!"
Mensahe ni Ai-Ai kay Gerald, “Darl, this is our 5th anniversary and yung pagmamahal ko sa iyo, hindi pa rin magbabago kahit ilang anniversaries pa yun.
“Kahit tenth, fifteenth anniversaries, magpapakasal pa rin ako sa iyo.
"I love you so much. I will love you forever and ever. Happy birthday!"
Sagot naman ni Gerald, “Kung ano yung promise ko kay Lord [sa church wedding] na kahit anong mangyari, mamahalin kita.”
Para sa kanilang 5th wedding anniversary celebration, isang singsing at Gucci bag ang ibinigay ni Gerald kay Ai-Ai, samantalang ang paboritong brand ng bag ang birthday gift ng Comedy Queen sa kanyang asawa.
Simpleng white dress na nilagyan niya ng blue veil ang kasuotan ni Ai-Ai sa renewal of vows nila ni Gerald.
Asul ang pinili ni Ai-Ai dahil iyon umano ang kulay ng mga nagdiriwang ng ika-limang anibersaryo ng kasal.