Ayaw ni Rica Peralejo na maakusahan siyang pakialamera kaya hindi siya nagbibigay ng payo sa kanyang pamangkin na si Heaven Peralejo, na sinundan ang mga yapak niya sa showbusiness.
“Wala naman siyang hinihinging advice, why will I give her?” reaksiyon ni Rica nang makausap siya ng Cabinet Files sa grand opening ng Hoka Concept Store sa Ayala Malls Manila Bay ngayong Martes, March 14, 2023.
“Hindi ko binibigyan ng advice si Heaven. Hindi naman siya nanghihingi at saka, ayoko naman na pakialamera ako. Na magsasabi lang ako.
“I mean, I love her. She’s my inaanak. Pamangkin ko talaga yan. Napakabait niyan.
“Wala naman siyang hinihinging advice. And I don’t think naman na she’s doing a bad job at anything.
“If anything, ang ibinibigay ko sa kanya, encouragement.”
Noong aktibo pa si Rica sa showbiz, matitindi rin ang mga pinagdaanang intriga at kontrobersiya tulad ng mga nararanasan ni Heaven sa kasalukuyan.
Read: Heaven Peralejo says past months “a rollercoaster" amid breakup rumor with Kiko Estrada
Ayon kay Rica, “Normal ang bad publicity. Ang feeling ko, ganoon naman talaga ang buhay celebrity.
“I think, yung industry thrives on controversies and, I guess, when you mature, ano pa ba ang itsitsismis nila?
“In a way, mas matindi ngayon. I think hindi naman ako matitinag. Siguro yun ang advantage na bata pa lang ako, artista na.
“Parang, ano ba yung tirahin ako sa social media, e, kung nakita lang niyo kami noong bata pa kami. Kung anu-ano na po yung nadaanan namin.”
At dahil alam ni Rica ang hindi magandang epekto ng social media sa mga kabataan, inihinto na niya ang Instagram account ng panganay na anak nila ng kanyang asawang si Joseph Bonifacio.
“I had an Instagram account for my first born na lumaki agad-agad, thousands [of followers].
"And then, I stopped posting because I don’t want my child to grow up feeling like I chose a life for him na he doesn’t want pala.
"So if he wants to be an influencer or a celebrity, I will let him choose.
“I don’t want him kasi na one day na [sasabihin niya], ‘Ikaw naman, hindi ko ginusto yan, in-expose-expose mo ako,'” saad ni Rica.
Mapayapa na ngayon ang pamumuhay ni Rica sa piling ng kanyang asawa at mga anak dahil sa sariling salita niya: “My life today is more sure, more settled. Of course, definitely happy and more peaceful.”