Ang award-winning director na si Joey Reyes ang nakakita sa potensiyal ni Aerol Bren Carmelo para magbida sa pelikula dahil mahusay umarte ang 23-year-old Culinary Arts graduate na lead actor sa Vivamax movie na Patikim-Tikim.
Pinuri ng entertainment press ang acting ability ni Aerol matapos ang special screening ng Patikim-Tikim, pero hindi niya personal na nasaksihan at narinig dahil hindi siya nakadalo.
Nalaman ni Aerol ang reaksiyon ng entertainment writers nang makausap niya si Direk Joey, ang direktor ng unang pagbibida sa pelikula ng baguhang aktor.
“When I heard the news, reactions, and the joy we brought to the people, sobrang saya ko po kasi we delivered.
"And for the first time on my dream genre, na talagang sandamakmak na rehearsals and pagdadasal na ginawa ko, we were able to deliver.
"And it was a very fulfilling phenomenon. I consider this as a milestone na rin po in my life,” pahayag ni Aerol sa exclusive interview sa kanya ng Cabinet Files.
May anggulo si Aerol na kahawig ni Epy Quizon at ni Comedy King Dolphy noong kabataan nito. Ikinatuwa ni Aerol ang obserbasyon dahil iniidolo niya ang mag-ama.
Hindi naging madali kay Aerol ang pagpasok sa showbiz dahil nagsimula siyang bit player sa Ang Babaeng Nawawala sa Sarili, ‘Wag Mong Agawin Ang Akin, Kalye Kweens, An/nA, at ibang mga pelikula na napapanood sa Vivamax.
Dati rin siyang nagtrabaho bilang crew member ng isang pizza store, call center technical support, at gym instructor.
Ang talent manager na si Jojo Veloso ang nakatuklas kay Aerol, pero si Direk Joey ang itinuturing niyang mentor.
"Direk Joey invested on my talent after the first time we worked together on An/Na and he has been pushing my career through projects and proper guidance,” sabi ni Areol, na tumatanaw ng malaking utang na loob sa paborito niyang direktor.
Natutong umarte si Aerol dahil sa sariling sikap at pag-aaral kaya itinuturing niyang self-taught actor siya, pero may kontribusyon din ang veteran actor na si Leo Martinez.
Lahad niya, “I was lucky enough to be involved in a [scratched] project with Mr. Leo Martinez. He gave workshop sessions on acting styles like Eric Morris's 'Naturalism' or 'No Acting Please.'
“At the time, I was already aware of my acting style but Sir Leo made my understanding of the style more complex and he also added depth.
“Bata pa lang po talaga ko as in at the age of three, I was already into mimicking what actors\singers\dancers do.
"As I mature, I realized it was not just a senseless dream. My heart actually belongs to show business,” pagtatapos na pananalita ni Aerol.