Ang Viva Films ang producer ng pelikulang pagsasamahan ng Comedy Queen na si Ai-Ai delas Alas at ng kanyang mga talent, ang Ex Battalion.
Kasama si Viva Films big boss Vic del Rosario, pumirma si A-iAi at ang mga miyembro ng Ex Battalion ng kontrata sa naturang movie outfit kahapon, May 21.
Idea ng Viva Films executive na pagsamahin sa isang pelikula sina Ai-Ai at ang Ex Battalion.
Nagkaroon din ng partnership ang magkabilang-panig dahil ang Viva ang mamamahala sa mga offer na product endorsement sa sikat na hip-hop group.
Magsisimula sa July 2018 ang shooting ng unang movie project ng Ex Battalion at ng kanilang manager.
Hindi pa makapagkuwento si Ai-Ai tungkol sa plot ng kuwento ng pelikula dahil, ayon sa kanya, “Confidential pa ang plot. Sa sobrang confidential, hindi ko pa alam.”
Nangako si Ai-Ai na sasabihin niya agad sa Cabinet Files ang pangalan ng direktor at pamagat ng pelikula kapag kumpleto na ang mga impormasyon.
