Aktres, lilipat na sa talent management agency ng isang TV network

May inihahandang big presscon para sa aktres na lilipat sa talent management agency ng isang television network.

Contract star ang aktres ng isang sikat na talent management agency, pero hindi pa niya sinasabi ang tunay na dahilan ng nalalapit na paglipat na tiyak na ipapasagot sa kanya sa magaganap na "grand welcome."

May mga suspetsa ng "career move" ang gagawin ng aktres para makatiyak itong hindi siya mawawalan ng mga television assignment.

Matagal nang walang regular show ang aktres, pero by choice ito dahil pinili niya munang pagtuunan ng atensiyon ang kanyang personal life at ibang mga interes.

Hindi naman siya nawawala sa sirkulasyon dahil sa dami ng activities niya na hindi showbiz-related.