Bukas, February 25, ang 54th birthday ng Diamond Star na si Maricel Soriano.
At noong Huwebes, February 21, nag-taping siya para sa birthday celebration niya sa Magandang Buhay, ang morning television talk show ng ABS-CBN.
Overwhelmed si Maricel nang dumating siya sa Kapamilya Network studio dahil hindi niya inaasahan ang red carpet treatment sa kanya.
Ramdam na ramdam ni Maricel ang pagpapahalaga sa kanya ng ABS-CBN dahil sa mga bulaklak na natanggap niya mula sa top executives, sa magandang set ng Magandang Buhay, at sa VIP treatment ng mga host at staff ng programa.
Sina Eric Quizon at Vice Ganda ang mga special guest sa dalawang araw (February 26 at February 27) na birthday presentation ni Maricel na mapapanood sa Magandang Buhay.
Twenty one years old si Maricel nang mangyari ang makasaysayan na People Power Revolution sa EDSA noong February 25, 1986.
Ni sa panaginip, tiyak na hindi pumasok sa isip ni Maricel na darating ang panahon na magiging national holiday ang kaarawan niya.
