Kahapon, February 27, ng pangatlong araw na taping ni James Reid bilang isa sa apat na hurado ng Search for the Idol Philippines, ang talent competition ng ABS-CBN.
Si Billy Crawford ang host ng show at sina Regine Velasquez, Vice Ganda at Moira dela Torre ang co-judges ni James.
"He’s happy to judge in Idol Philippines. Something new for him," sabi ni Caryl Ann Paraico, ang handler at confidante ni James.
"Nag-prepare si James at dumaan siya sa process. He was the last one to know.
"Pero when he found out, he just accepted it. No more questions."
Nakadagdag sa excitement ni James na makakatrabaho nito sa unang pagkakataon si Regine kaya grateful siya sa inclusion niya sa upcoming singing competition ng Kapamilya Network.
Siguradong magiging kumportable si James sa Idol Philippines company dahil nagkasama na sila ni Vice Ganda sa Beauty and the Bestie, ang pelikulang official entry sa Metro Manila Film Festival 2015.
Pareho rin sila ni Billy na contract stars ng Viva Artists Agency at may concert sila sa Smart Araneta Coliseum sa April 5, 2019, ang The Cr3W.
Incidentally, may mga nagtatanong at nang-iintriga sa karapatan ni James para maging judge ng Search for the Idol Philippines.
Nakakalimutan yata nilang siya ang winner sa Best Southeast Asia Act category ng MTV Europe Music Awards noong 2017.
Si James din ang nanalong Male Artist of the Year, Artist of the Year, at ang kanyang single na "Cool Down" ang Song of the Year ng 2018 MYX Music Awards.
Maging singer ang talagang pangarap ni James pero naging artista muna siya bago natupad ang ambisyon niyang magkaroon ng record album at sariling music label, ang Careless Music.