NOEL FERRER : Happy Easter Monday and happy new look sa idol nating si John Lloyd Cruz.
Lumutang ito sa Facebook na kuha ng mga taga-compound sa Lanao del Sur na accidentally ay nakita si Lloydie who seems to be content with his very quiet personal life.
While he's away from show business, Lloydie has remained active as an artist, given his interest in producing his own art works.
He did a month-long solo exhibit for his collection of photos last March and then made waves when his shawarma ad went viral on social media.
And who knows? Bulagain na lang niya tayo sa isang major project na maaaring makapukaw sa kanyang interes bilang artist!
Balitang maraming filmmakers ang nagnanais pa rin siyang makatrabaho. We just miss John Lloyd!
JERRY OLEA: May puwang ang showbiz kay John Lloyd, at may news value pa rin ang sightings sa kanya.
Ini-enjoy niya ang buhay na malayo sa limelight ng showbiz, at mababakas iyon sa kanyang mukha.
Hayaan natin si John Lloyd sa kanyang “extended vacation” na ngayon lang niya natatamasa.
GORGY RULA: Kitang-kita ngang masaya ang mukha ni Lloydie kahit mala-ermitanyo na ang look niya.
Kahit napapag-usapan ang pagbabalik niya sa showbiz, bakit may mga nagsasabing hindi pa raw?
Yung endorsement pa lang yata ang nakikita natin sa kanya.
Sa totoo lang, interesado pa rin ang karamihan sa pagbabalik ni John Lloyd.
Kaya sana, bago matapos ang taong ito, magkaroon ito ng linaw, kahit may lumalabas na tsikang nagkakalabuan na raw sila ni Ellen.
