JERRY OLEA: Magkatropa ang dalawang model-actors—isang matangkad at isang chinito.
Pareho silang yummylicious, twentysomething, at always ready sa mahiwagang adventures.
Sa isang glitzy event na dinaluhan nila, tumambay sila sa cocktail area. May bar kasi roon kung saan bumabaha ng beer at liquor.
Bulungan nang bulungan ang dalawang model-actor.
E, dumating ang isang gandarang model-actress, na kapatid ng isang young actress.
Bet ng matangkad na model-actor ang dalagang Pilipina.
Kaso, may kasama ang model-actress kaya hindi muna ito chinika ng dalawang binata.
Sa ikalawang rampa ng model-actress sa kanilang harapan, binati siya ng dalawang pogi.
Binola-bola ng matangkad na model-actor ang binibini, pero hindi ito na-impress. Dedma. Nagpaalam agad sa mga lalaki.
Clueless ang dalawang model-actor sa sexual orientation ng marilag na model-actress, na nag-come out na bilang lesbian at may girlfriend na singer.
NOEL FERRER: OK lang iyan!
Mabuhay ang members ng LGBTQ dahil, hindi ba, ang matangkad na modelong aktor ay napabalita ring patola sa mga kabarangay?
Happy Pride Month! Makabuluhang ika-50 anibersaryo ng Stonewall Riots!
GORGY RULA: Maraming isyu ang tatlong bida ng BI na iyan. Sala-salabat. Ang kulang na lang, projects.