JERRY OLEA
Nakakalukring ang mga pasiklab online ng isang booking agency na merong Twitter account.
Ipinangangalandakan ng ahensya na pa-booking ang isang model-turned-actress.
Ang booking rate daw ng gandarang social media starlet ay PHP2.6M para sa isang oras, at PHP4.7M naman para sa dalawang oras.
Paandar pa ng booking agency, “VIP Ladies must be booked 24 hours in advance. We respect our ladies and staff to provide a service that is real, professional and respectful.”
Totoo kaya ito?
GORGY RULA
Umalma na riyan si Perry Lansigan ng PPL dahil idinawit diyan ang alaga niyang si Ivana Alawi.
Pero hindi na dapat pinapatulan.
Hindi kasi kapani-paniwala ang mga presyo na milyun-milyon.
Kung anu-ano na lang ang naiisip ng mga tao sa social media para mapansin.
Kaya maging maingat na tayo kung alin ang papansinin at hindi!
NOEL FERRER
Naku, puwedeng magdemanda kung sakali! Pero sana, makuha muna sa mabuting usapan.
Nakakasirang-puri talaga kapag nadawit ka sa ganito.
Sana huwag na lang basta gumamit ng mga larawan kung hindi talaga kunektado sa ganitong pagbu-booking!
