JERRY OLEA
Naka-101K views na ang official teaser ng pelikulang Isa Pa With Feelings makalipas ang 17 oras nang i-upload ito sa YouTube noong Setyembre 16, Lunes ng gabi.
Cute at nakakakilig ang mga eksena nina Mara (Maine Mendoza) at Gali (Carlo Aquino), lalo na nang magsayaw sila sa saliw ng kantang "Buwan" ni JK Labajo.
Magkapit-condo unit ang dalawa.
Pipi si Gali, at siya ang naging sign language teacher ni Mara.
Ipapalabas na sa Oktubre 16 ang tambalang CarMaine, or is it CarMa?
NOEL FERRER
Hindi man kasinlaki ng scope ng Hello, Love,Goodbye na may OFW angle at shoot pa abroad, itong Isa Pa With Feelings, although another one of those modern love stories, ay may promise in terms of adult content, and let’s accept it—a very competent cast na handa nang magpaka-mature, and can risk to go beyond the usual “kilig.”
Ako, interested ako sa pelikula... and I have closely identified the CarMaine tandem as highly take-me-as-I-am and with no pretensions.
Bibigyan natin ito ng chance!
GORGY RULA
Nasilip ko ang trailer ng naturang pelikula, mukhang maganda at may kilig din silang dalawa!
Ang napansin ko pa sa trailer, maganda roon si Maine. Mukhang inalagaan siya nang husto sa pelikulang ito.
Dito matsa-challenge nang husto ang fans ni Maine na dapat maganda rin ang kalabasan nito sa pelikula.
Sana, todo rin ang suporta rito ng AlDub fans.