GORGY RULA
Nasagap ng PEP Troika na isang aktor ang sinampahan ng kaso ng kanyang sariling ina.
Nitong Oktubre 15, Martes ng umaga, lang daw nag-file si Mommy, na sinamahan ng isa pa niyang anak na hindi rin kasundo nitong sikat na aktor.
Matagal na naming nabalitaan ang sigalot sa pamilya dahil sa pera at property.
Ang latest na nabalitaan namin, may mga nakalap na raw na mga ebidensiya sa bangko si Mommy kaya nagsampa na ito ng reklamo sa piskalya.
Hindi lang namin nakuha ang buong detalye, dahil ayaw pa raw muna nilang isapubliko ito bilang payo ng kanilang abogado.
Pero hangad pa rin ng ilang kaibigang malapit sa pamilya na, sana, maayos nila ito.
Hindi magandang tingnan sa lahat na nag-aaway-away sila at umabot pa sa demandahan dahil lang sa kanilang yaman.
JERRY OLEA
Ang ikaapat na utos ng Diyos, “Igalang mo ang iyong ama at ina.”
Senior citizen na si Mommy.
Sana, ayusin ng sikat na aktor ang gusot sa kanilang pamilya, bago tuluyang lumaki ang sigalot.
NOEL FERRER
Wow, alam kaya ito ng nanay-nanayan ko?
Nakipag-ayos ang sikat na aktor sa ex niyang sikat na aktres. Nagbawas ng kahidwaan, 'ika nga.
Good vibes na lang, at hopia ang marami na magtambal silang muli sa pelikula.
Pero bago mangyari iyon, tingnan natin kung paano aayusin ng sikat na aktor itong away-pamilya!