JERRY OLEA
Hush-hush ang tsika-tsika na nahulihan ng bawal na droga ang sikat na aktor at aktres nang magliwaliw last year sa isang sikat na tourist destination sa Ilocos Region.
Mahigpit na ipinagbabawal sa probinsyang iyon ang illegal drugs. Nakakalat sa dalampasigan ang mga security personnel na ang iba ay naka-civilian.
Sabi-sabi, nahuling nagma-marijuana ang sikat na aktor at aktres kasama ang mga kabarkada, pero nagawan nila ng paraan para magka-news blackout sa pangyayari.
Nalukring ako sa tsismis na graduate na sa Mary Jane ang sikat na aktor at aktres, at cocaine na raw ang tinitira ng mga ito. Kesyo nakarating ito sa kaalaman ng management, at pinagsabihan ang sikat na aktor at aktres na tantanan nila ang ganitong kabulastugan bago mahuli ang lahat.
Hindi kaya black propaganda lang ito sa sikat na aktor at aktres?
NOEL FERRER
Kung nagawang mag-news blackout noon, na sana ay ikinatuto na ng mga nasabing sikat na personalidad, bakit ngayon ay naglalabasan ulit iyan? Dahil ba wala na silang proteksiyon ngayon? Sayang kung tuluyan nang mabalewala ang naumpisahan at na-achieve ng dalawang personalidad na ito.
GORGY RULA
Bugbog na sa tsismis tungkol sa droga ang magkasintahang ito. Meron pang tsismis na involved sa pagpu-push itong si aktor, pero hanggang tsismis lang talaga. Mukhang paninira na lang talaga ito sa kanila! Kasi, kung totoo mang meron talagang nangyaring hulihan, lalabas at lalabas ito lalo na kung involved ang mga kapulisan. Siguro, tigilan na sila sa ganitong isyu. Parang nagsisimula sila uli ngayon, e. Tantanan na muna sila.
