JERRY OLEA
Kilig-kiligan ang mga bading na nakakatrabaho ng pogilicious commercial model turned actor.
Malambing kasi si pogi sa mga beki sa produksiyon at game sa pakikipagbiruan.
Maigting ang ambisyon ni pogi na sumikat.
Minsan, sa shooting ng isang mainstream film, habang nagse-set up ang crew ay sinabihan ni pogi ang kapwa aktor na pogi rin pero walang ningning, “Magpahada kaya tayo kay Direk?”
Naka-lapel si pogi, kaya dinig na dinig ito ng premyadong direktor na noo'y nakabantay sa monitor.
Tumili si Direk, “Tigilan ninyo ang ganyang kabastusan! Hindi ko kayo papatulan!”
The WHO ang pogilicious actor?
Bida siya sa isang pelikulang itatanghal sana ngayong summer.
Kaso, dahil sa commqua (community quarantine) sa NCR, postponed ang showing ng kanyang pelikula.
GORGY RULA
Sa panahon ng coronaserye, viruserye o ECQ (enhanced community quarantine), makabuluhan bang dalirutin natin ang hanash ng poging aktor na ito?
Ang tagal na niya sa showbiz, hindi pa rin siya sumikat-sikat.
NOEL FERRER
Ang contagious na tanong... The WHO?
Siya ba ang napipintong sagot sa COVID-19 pandemic?
Ayaw ng World Health Organization ng ganyan!
