NOEL FERRER
Cease and desist order against ABS-CBN?
Ngayon pa gayong malaki ang nagagawa nila sa pagtulong sa naapektuhan ng pandemya?
Naisyu ito ng NTC sa kabila ng pagkontra ng Senado at Kongreso, at pagbibigay ng opinyon ng Secretary of Department of Justice.
Wow, ibang klase talaga pag wala ka sa hanay ng Presidente sa isang laban.
GORGY RULA
Hindi pa rin ito nagsi-sink in sa akin kahit makikita ko na sigurong color bars na ang mapapanood sa naturang istasyon.
Mahirap lang ito ngayong aksyunan sa Kongreso dahil 25 lang yata ang puwedeng dumalo sa mga session araw-araw.
Hindi pa nakakasali sa Zoom meeting ang ibang kongresista.
Sana, may kunsiderasyon ngayong naka-ECQ pa tayo at patuloy pang nakatutok sa pagkalat ng COVID-19 at ang ipinapairal na Enhanced Community Quarantine.
JERRY OLEA
Nakakalungkot. Nakakapanlumo. Nakakapanghina.
Hindi na natin malalaman kung ano ang nangyari kay Cardo Dalisay sa FPJ’s Ang Probinsyano?
