JERRY OLEA
Stay safe. Stay at home.
Ngayong Mayo 8, Biyernes, more and more ang mga showbiz ganap online.
UNA, sa Facebook page ng Bayanihan Musikahan, may live concert today sina Odette Quesada (10:00 A.M.) at Grace Nono (9:00 P.M.).
This is to provide food and health protection packs for the urban poor reached by Samahan ng Nagkakaisang Pantawid Pilipino.
IKALAWA, streaming ng Ang Huling El Bimbo: The Hit Musical ngayon at bukas (48 oras) sa YouTube channel ng ABS-CBN Entertainment, at Facebook page ng ABS-CBN Network.
Minsan lang ‘to, kaya ‘wag mong palampasin.
Beneficiary rito ang "Pantawid ng Pag-ibig" program ng Kapamilya Network.
IKATLO, ikalimang session ng Actors’ Cue mamayang 8:00 P.M. sa Facebook page ng Extendthelove.
Panelists (in alphabetical order) sina Jason Abalos, Gerald Anderson, Arjo Atayde, Enchong Dee, Martin del Rosario, at Sid Lucero.
“This fund-raising event will benefit our displaced film workers affected by the quarantine,” sabi ng organizer at moderator na si Direk Adolf Alix Jr.
IKAAPAT, premiere ng part 1 ng pelikulang The Next 12 Days mamayang 8:00 P>M. sa YouTube channel ng Blade Auto Center.
Sequel ito ng 12 Days To Destiny, at bida rito sina Mary Joy Apostol at Akihiro Blanco. MaKi!
Makipanood po tayo sa pelikulang handog sa lahat ng frontliners!
Idinirek ito ni CJ Santos, at kasama sa cast nito sina Xander Pineda, Carissa Viaje, Jansen Altamirano, Bridge Martin, Stacey Balagtas, Ella Calderon, at May May Jackson.
GORGY RULA
Kaya walang dahilan para mabagot ka sa bahay!
Simula ngayong umaga pa lang ay makiki-throwback ka na sa mga awitin ni Odette Quesada.
Mamayang gabi naman ay malamang mas maraming viewers itong mga nasa huling henerasyon na mga aktor.
Nasilip ko na sa Facebook kagabi ang Huling El Bimbo, at ilan nga sa mga nagkokomento ay inaasahan pa rin nilang matuloy ang musical ng Tabing Ilog.
NOEL FERRER
Mamaya, sa aking Level-Up radio program, dahil walang mga seremonyang graduation o kahit na anong end-of-the school year event, magkakaroon ako ng isang episode na dedicated sa mga estudyanteng magtatapos ng pag-aaral.
Kasama rito sina Vice President Leni Robredo; si Fr. Jett Villarin, na magtatapos na ang term bilang presidente ng Ateneo; at si Quiel Quiwa, ang magtatapos na Ateneo Student Council President na tumanggap ng Loyola School Award for the Arts (Theater Performance).
Makakasama rin namin in a rare performance ang nagre-reunion na grupong III Of A Kind, na sina Annie Nepomuceno, Edward Granadosin, at Gelo Francisco, with their immortalized acapella rendition of “Man In The Mirror.”
Kasama rin si Joey Benin ng Side A with his “I Believe In Dreams,” at si Odette Quesada na kakanta ng nakasanayang graduation song na “Farewell.”
Mamayang 3:00 P.M. ito sa Radyo Katipunan at Inquirer 990 TV.
Day 55 ng ating quarantined lives—tuloy ang buhay!!!