Bakit sa Olongapo tatakbo ang Ilongga na si Claudine Barretto?

by PEP Troika
Sep 25, 2021
Kasama ang aktres na si Claudine Barretto sa tiket ng kanyang talent manager na si Arnold Vegafria sa 2022 elections. Si Vegafria ay tatakbong mayor ng Olongapo City at kabilang si Claudine sa mga konsehal niya.
PHOTO/S: @arnold_vegafria on Instagrama

GORGY RULA

Halos buong pandemya ay sa Olongapo raw nakatira si Claudine Barretto.

Doon na rin daw siya kumuha ng residency niya. At naisipan na ngang tumakbo bilang konsehal sa ilalim ng ticket ng manager niyang si Arnold Vegafria, na tatakbo namang mayor sa naturang lungsod.

Naka-text ng PEP Troika si Arnold, at sinabi niyang dating governor ng Olongapo ang lolo ni Claudine.

Ang namayapang ama ng aktres na si Miguel Barretto ay nagsilbi rin daw dati bilang director ng Subic Bay Management Authority (SBMA).

Tinext ko uli si Arnold dahil ang buong akala ko ay Ilongga ang alaga niyang si Claudine. Sinasabi rin niya noon ng aktres na marunong siyang magsalita ng Ilonggo.

“Taga-Olongapo si Claudine. Lolo niya, dating Governor. Dad niya, former SBMA director.

“Her mom is Ilongga.

“Right now, the whole pandemic nasa SBMA siya,” magkakasunod na text sa akin ni Arnold.

Claudine Barretto part of Anak ng Gapo

Continue reading below ↓

Nasa FB page ng Bangon Olongapo, na partido ni Arnold, na namimigay pa sila noon ng relief goods at bigas sa mga taga-Olongapo.

Naririnig ko rin noon na balak talaga ng talent manager na pasukin ang pulitika, at itinuloy na niya ito ngayon.

Sinabihan ko siyang matrabaho ang mayor, ang bigat ng responsibilidad na dinadala nito.

Paano niya pagkakasyahin sa schedule niya, lalo na’t abala rin siya bilang presidente ng ALV Group of Companies, at ang dami pa niyang mga alagang artista?

“Kaya 'yan! Trust me,” kaagad niyang text back sa akin.

“Ang lapit lang naman, 1 hour and 20 minutes nasa Olongapo ka na,” dagdag na text ni Arnold sa PEP Troika.

NOEL FERRER

Sa anumang ginagawa natin, magandang bumalik at i-ground ang ating sarili sa ating WHY?

At ang isa pang mahalagang tanong kung may papasukin tayong bago, nagtatanong tayo kung FOR WHOM natin ginagawa ito.

Kung ang sagot ay higit sa ating sarili, tayo’y magdarasal at titingnan kung gusto ito ng Diyos para sa atin.

Continue reading below ↓

Good luck kina Claudine at ALV.

JERRY OLEA

Kung nasa puso ni Claudine ang paglilingkod sa kapwa, sino tayo para pigilan siya? Good luck sa tinaguriang Optimum Star sa bagong landas na kanyang tatahakin!

Siyanga pala, ire-replay ng MMK ang isang episode ni Claudine ngayong Setyembre 25, Sabado ng 8:30 p.m., sa Kapamilya Channel, Kapamilya Online Live, iWantTFC, TFC, at A2Z Channel 11.

Claudine Barretto in MMK

Continue reading below ↓

Matapang ang kuwentong ito, na unang ipinalabas noong Oktubre 2015.

Tampok din sa episode na ito sina Gardo Versoza, Mika de la Cruz, Maureen Mauricio, Jao Mapa, Sue Ramirez, at Paolo Gumabao.

HOT STORIES

We are now on Quento! Download the app to enjoy more articles and videos from PEP.ph and other Summit Media websites.
Read Next
Featured
Latest Stories
Trending in Summit Media Network

Featured Searches:

Read the Story →
Kasama ang aktres na si Claudine Barretto sa tiket ng kanyang talent manager na si Arnold Vegafria sa 2022 elections. Si Vegafria ay tatakbong mayor ng Olongapo City at kabilang si Claudine sa mga konsehal niya.
PHOTO/S: @arnold_vegafria on Instagrama
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results