Paolo Contis sa fake news na inamin niyang buntis si Yen Santos: "Kalokohan!"

by PEP Troika
Jan 13, 2022
Paolo Contis, Yen Santos Boracay escapade
Nairita si Paolo Contis sa kumalat na fake news kung saan inamin umano niyang buntis ang napababalitang girlfriend niya na si Yen Santos. Kuha ang mga larawang ito nang magbakasyon sa Boracay sina Paolo at Yen.
PHOTO/S: Courtesy: Mikee Clariz Ebina Sullano on Facebook

GORGY RULA

Nairita si Paolo Contis nang nakarating sa kanya ang Facebook post ng isang netizen kung saan naka-quote ang Kapuso actor na kesyo inamin nitong nagdadalantao si Yen Santos.

Obvious namang fake news ito para marami ang mag-share sa post.

Nakarating sa amin ang FB post na yun at finorward namin kay Paolo upang kumpirmahin kung totoo ba yun o hindi.

“Kalokohan!” sagot ni Paolo nang ifinorward ko sa kanya ang naturang FB post.

Hindi naman nagpa-interview si Paolo. Ang duda niya, kinuha lang yun sa nakaraang interview ng aktor nang inamin niyang nagdadalantao si LJ Reyes. Pinalitan na lang sa title na si Yen Santos ang tinutukoy na buntis.

Sa huling check ko, hindi na available ang Facebook account ng netizen na hindi namin kilala.

Ilang beses ko nang hiningan ng pahayag si Paolo tungkol sa kanila ni LJ, at kung nagkausap ba sila ng mga anak niya nung nakaraang Pasko, pero ayaw na niyang sumagot.

Continue reading below ↓

NOEL FERRER

Sapat nang sabihin ni Paolo na kalokohan ang bali-balita tungkol sa kalagayan ni Yen. Magandang pagtatama yun ng balita.

At least may pagtatanggol din iyun sa pagkakalat ng fake news against Yen at sa kanya na rin.

Bakit kaya kung usaping pamilya na niya, tikom na ang bibig at no comment na talaga si Pao? It’s complicated ba talaga o deadma is the best answer kapag LJ at anak ang topic?

Mauunawaan naman natin, pero tumitikom si Paolo kapag usaping pamilya na.

JERRY OLEA

Halatang fake news ang nasabing payanig sa Facebook, na ang tanging ebidensiya ay litrato ni Yen na kesyo may umbok sa tiyan nito. Di ba pwedeng busog lang, o kaya dahil sa anggulo o lighting kaya ganoon?

Noong Agosto 19, 2021 pa nag-streaming sa Netflix ang pelikula nina Yen at Paolo na A Faraway Land, kaalinsabay ng pagputok ng paghihiwalay nina Paolo at LJ.

Continue reading below ↓

Huwag na sanang manganak pa ng kung anu-anong kalokohan ang fake news sa kalagayan ni Yen.

HOT STORIES

We are now on Quento! Download the app to enjoy more articles and videos from PEP.ph and other Summit Media websites.
Read Next
Featured
Latest Stories
Trending in Summit Media Network

Featured Searches:

Read the Story →
Nairita si Paolo Contis sa kumalat na fake news kung saan inamin umano niyang buntis ang napababalitang girlfriend niya na si Yen Santos. Kuha ang mga larawang ito nang magbakasyon sa Boracay sina Paolo at Yen.
PHOTO/S: Courtesy: Mikee Clariz Ebina Sullano on Facebook
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results