JERRY OLEA
Patuloy na rumaratsada sa ratings ang Family Feud, na dapat sana’y nagtapos na last year. Magtatagal pa ba ito?
“Dire-diretso yan. Ang lakas-lakas, e!” nakangiting bulalas ni Ms. Lilybeth G. Rasonable, SVP for Entertainment Group ng GMA-7, nitong Enero 14, Sabado ng gabi, sa GMA Network, EDSA cor. Timog Avenue, Quezon City.
Masaya naman ba ang host na si Dingdong Dantes? OK lang ba sa kanya ang patuloy na paghu-host ng Family Feud?
“Oo naman. Kasi, talagang super ine-enjoy niya yung Family Feud. Sanay na sanay siya sa paghu-host nun. Nalalaro na niya talaga,” tugon ni Ma'am Lilybeth.
Inamin din ni Ma'am Lilybeth na meron nang sisimulan si Dingdong na primetime series, yung Royal Blood. Bagay na bagay iyon sa Kapuso Primetime King!
Umoo rin si Ma'am Lilybeth nang uriratin namin kung tuloy na ba ang taping sa Switzerland ng Unbreak My Heart nina Jodi Sta. Maria, Richard Yap, Joshua Garcia at Gabbi Garcia. Collab iyon ng GMA with ABS-CBN.
Pinakamalakas na teleserye ng GMA-7 last year ang Lolong na pinagbidahan ni Ruru Madrid. Ikinakasa na ang sequel nito.
Si Ruru ba ang pinakapaborito ngayon ng GMA?
“Si Ruru is really, di ba, ang laki na ng na-travel niya, yung journey niya. Ang layo na niya, ng narating niya,” saad ni Ma'am Lilybeth.
“And siyempre, itutuloy natin yun, di ba? Ipu-push natin yun. He’s doing so well, pero merong iba rin tayong mga artists na dine-develop.
“Si Miguel Tanfelix sa Voltes V: Legacy. Si Gabbi [Garcia], si Sanya [Lopez].”
Meron na rin daw naka-line up para kay Alden Richards this year, pero hindi pa nila mai-announce dahil hindi pa nila nadi-discuss sa Asia’s Multimedia Star.
Sama-sama ang mga sang’re ng Encantadia remake na sina Sanya Lopez, Gabbi Garcia at Kylie Padilla sa Mga Lihim ni Urduja.
Ang isa pang sang’gre na si Glaiza de Castro ay bida naman sa The Seed of Love.
NOEL FERRER
Nakakatuwa lang na patuloy ang pamamayagpag sa mga greenlighted projects nina Dingdong Dantes at Ruru Madrid sa GMA-7.
That means hahataw talaga ang Entertainment Group sa taong 2023 following the success of the GMA Public Affairs as well sa pagpu-produce ng highly-rated entertainment programs sa primetime.
Tapos, more of the prestige projects like Maria Clara at Ibarra, atbp. na nanalo ng major TV Awards sa GEMS (Guild of Educators, Mentors and Students) as Best TV Series, Best Actress (Barbie Forteza), Best Actor (Dennis Trillo), Best Supporting Actress (Andrea Torres), at Best Supporting Actor (Juancho Trivino).
More power really!!! Ipagpatuloy ang magandang nasimulan!!!
GORGY RULA
Isa sa malakas sa GMA-7 ay ang kanilang afternoon drama. Inaasahang maganda ang pagtanggap sa pagsisimula ng Underage sa Lunes, January 16.
At maaring madagdagan pa ito sa susunod na linggo kapag nag-umpisa naman ang Fast Talk With Boy Abunda. Kaya parang binabalanse lang.
Pagkatapos ng tatlong afternoon drama, susundan ng talk show ni Kuya Boy Abunda, at isang K-drama, at susundan ng malakas na Family Feud.
Sabi nga ni Ma'am Lilybeth, matagal nang walang showbiz-oriented talk show sa gitna ng mga naglilipanang online talk shows.
Mabuti na ring ibalik nila ito mula mismo sa showbiz authority na si Boy Abunda.
“Kasi ang tagal-tagal na rin namang walang showbiz talk show. Alam naman natin lahat yun.
“Tapos, from the age of social media, fake news, di ba? Parang naisip naming ibalik na nga yung talk show from a showbiz authority na sigurado kang hindi ka bibigyan ng fake news. Whether from television or social media, which we will also have kasi may live stream ang Fast Talk, e.
“Aside from that, meron kaming mga showbiz news na ipapalabas sa social media. Kumbaga, both social media and on-air, may Fast Talk.
“Yung elements ng Fast Talk also on social media, pero makakasigurado kayo na hindi yun fake news, di ba?
“Kasi yung proliferation ngayon ng iba, ang daming mga, kumbaga, sources of information, unless it’s coming from let’s say you have your online show. Yun pa!
“Pero ang dami, di ba, kung saan-saan nanggagaling na nakukukuryente ka, hindi naman pala totoo,” pahayag pa ni Ms. Lilybeth.