JERRY OLEA
Torn between two Hashtags eme ang Tiktok sensation na si Yukii Takahashi.
Apple of the eye siya ni McCoy de Leon sa Kapamilya teleseryeng FPJ’s Batang Quiapo. Leading lady siya ni Wilbert Ross sa digital series na Ang Lalaki Sa Likod Ng Profile.
Meron nang Elisse Joson at daughter Felize ang 28-anyos na si McCoy kaya big NO para kay Yukii na ma-fall dito.
Single ang 25-anyos na si Wilbert, at mas gusto nitong mag-focus muna sa career lalo pa’t nagre-rebranding pa lamang ito mula sa pagiging sexy star ng Vivamax.
“Work lang po talaga,” sey ni Yukii sa mediacon noong Mayo 18, 2023, Huwebes, sa World Trade Center, Gil Puyat Avenue, Pasay City.
Two months pa lang magkakilala sina Yukii at Wilbert.
“Bago pa lang pero talagang nagklik talaga kaming lahat, unexpected,” sabi ng dalaga, na magtu-22 years old na sa Enero 16, 2024.
Hindi napanood ni Yukii ang Vivamax projects ni Wilbert, kaya wala siyang idea kung gaano kakinis ang wetpaks nito.
Wala siyang balak panoorin ang mga proyekto ni Wilbert kung saan hubad ito at nakikipagharutan sa Vivamax babes?
Natatawang tugon ni Yukii, “Parang hindi po! Hindi po talaga!”
May kissing scene ba sila ni Wilbert sa 13-episode series na Ang Lalaki Sa Likod Ng Profile?
“Kissing scene? Wala po.”
Tumanggi siya? O hindi iyon kailangan sa istorya?
“Hindi po kailangan sa istorya. More on rom-com po talaga kasi siya, e,” sambit ni Yukii.
Kahit kay McCoy, wala pa silang halikan. If ever na merong lips-to-lips scene, papayag ba siya?
“Parang… hmmnnn… if ever man po, pero… tingnan po natin kung ano ang mangyayari sa istorya ng Batang Quiapo.”
Co-stars nina Wilbert at Yukii sa Ang Lalaki Sa Likod Ng Profile sina Kat Galang, Migs Almendras, Marissa Sanchez, Anjo Resurrecion, Moi Morcampo, Star Orjaliza, at TJ Valderrama.
Matutunghayan ang ikaanim na episode ng digital series sa Mayo 27, Sabado ng 7:00 p.m., sa Puregold Channel sa YouTube.
NOEL FERRER
Single and working ang status ni Yukii. Kagaya ni Wilbert, mas gusto ni Yukii na ituon muna sa trabaho ang kanyang atensiyon.
Lahad ni Yukii, “Same po kami ng mindset ni Wilbert na work na lang po muna, lalo na po ako ngayon. Kasi nag-i-start pa lang po ako.
“So, mas priority ko po talaga yung career ko other than anything else.”
If ever kunin siya para magpa-sexy sa Vivamax, keri ba niya?
“Under na po ako ng Cornerstone. I’m happy with them,” sey ni Yukii, na may 8.7M followers sa Tiktok.
Naunang mag-shooting si Yukii sa Ang Lalaki Sa Likod Ng Profile bago siya kinuha para sa FPJ’s Batang Quiapo.
GORGY RULA
Sing and dance si Yukii. Kagaya ba ni Wilbert ay nagko-compose din siya ng kanta?
“Compose, no, pero may nagawa ako na song pero hindi pa siya nire-release,” sabi ni Yukii.
Siya mismo ang bumuo ng lyrics?
“I wrote it with someone else. Tulungan, tulungan. Kasi, parang hindi ko pa kaya yung magsulat talaga ng buong kanta,” pag-amin ng dalaga.
Kulang pa ba siya sa experiences? Kulang pa ba siya sa heartaches para makasulat ng kanta on her own?
“Feeling ko po sa heartache, wala po akong masasabi diyan dahil marami po tayong pinagdaanan,” pagtatapat ni Yukii.
Ha?! Ano iyong maraming pinagdaanang heartache? From betrayals? Sa family? Sa ex-boyfriends?
“Madami po tayong suluk-sulok na nadaanan,” matamang sambit ni Yukii, na nakatatlong kasintahan na.
“Madami tayong hugot sa buhay kaya I really love doing crying scenes. Kasi I feel like it’s raw.”
Madali siyang maiyak?
Tumango si Yukii, “Kasi it’s true, e. It’s really coming from my heart.”
Napaso siya sa tatlong ex-boyfriend kaya rin ayaw na muna niyang umibig muli?
“Ahhmm kinda… pero more on ako na lang muna. Parang mas kaya ko namang mahalin ang sarili ko!” bulalas ni Yukii.