JERRY OLEA: Mabilis na kumalat ang bulung-bulungang nasa “interesting stage” ang isang not-so-young actress.
Nawawala kasi sa showbiz scene ang aktres nitong mga nakaraang buwan.
May posts ang aktres sa social media kaugnay sa extended visit niya sa kanyang amang nasa abroad.
Kapansin-pansin na sa mga litrato, hindi ipinapakita ang lower half ng kanyang katawan.
Maghahatid kaya si aktres ng suwerte sa kanyang boyfriend na may entry sa MMFF 2018?
NOEL FERRER: Nang matapos ang teleseryeng kinabibilangan ng not-so-young actress na ito, ang sabi ng ilang tagasubaybay ay bakit kaya tinapos agad ito samantalang nagre-rate naman.
Baka nililimitahan ang kapaguran ng naturang aktres para na rin sa kanyang kapakanan.
Buti at nakapag-tape ito ng ilang guestings kaya hindi napag-uusapan at hindi pa halata ang ganung sitwasyon niya kung totoo man.
Kung noong unang may inilabas na anak ang itinuturong ama ng bata ngayon, siguro ay hindi ito itatanggi ng kilalang aktor.
Wala mang diretsong pag-amin, open secret sa industriya na sila naman talaga.
GORGY RULA: Ang pagkakaalam, kaya wala muna si aktres sa sirkulasyon ay dahil may inaasikaso itong importanteng papeles sa ibang bansa.
Kaya makakasama ni aktres ngayong Pasko ang taong mahalaga sa buhay niya.
NOEL FERRER: Green card ba o sa ibang continent, Tito Gorgy?
Kaya ba noong nag-birthday ang boyfriend nito ay nangibang bansa ito?
Nagkita kaya sila doon? #JustAsking