ON THE SET: "My Dad is Better than Your Dad"

"Wala kayo sa lolo ko" ang sikat na biruan, ngunit simula sa ika-8 ng Pebrero, mapapasigaw ang buong bayan ng "Wala kayo sa tatay ko!" sa pagdating ng isa sa pinakamalaking game show sa Pilipinas at sa Asia. Mula sa Mark Burnett Productions, aarangkada na ang pinaka-maaksyong pagtutunggali ng mga mag-aama sa kasaysayan ng telebisyon.

Pinangungunahan ng multi-talented actor na si Paolo Contis, ang My Dad Is Better Than Your Dad ay kinabibilangan ng mga tatay at ang kanilang mga chikiting na 8 hanggang 10 taong gulang. Sabay-sabay nilang haharapin ang mga pagsubok ng lakas at katalinuhan upang mahirang na pinakamagaling.

Ang bawat episode ay may mga rounds kung saan makikipag-kumpitensya ang apat na pares ng ama-at-anak.

Tuwing Linggo, mapapanood ang My Dad Is Better Than Your Dad sa Kapuso Network. Ang mga maglalaro sa pilot telecast nito ay sina Bobby Andrews at ang kanyang anak na si Miguel; si William Martinez at ang anak niyang si Adam; Joshua Zamora at ang anak niyang si Javen, and Lander Vera-Perez at ang anak niyang si Reign.

Sa "Ang Daddy Kong Fast," mag-uunahan ang mag-aama sa mga obstacle courses bago maubusan ng oras. Sa "Ang Daddy Kong Strong," magpapakitang-gilas si Tatay sa mga palarong kikilatis sa lakas ng kanyang mga bisig. Katalinuhan naman at mabilis na pag-iisip ang kailangan sa "Ang Daddy Kong Smart," at kasama ang moral support ng kanyang anak, katapangan ni Tatay ang huhusgahan sa "Ang Daddy Kong Brave."

Ang pares na makakalampas sa lahat ng pagsubok ng apat na rounds ang siyang sasali sa jackpot round na "Ang Daddy Kong Da Best," kung saan maaaring manalo ang mag-ama ng P100,000!

Nang pumunta ang ibang miyembro ng press sa set ng bagong GMA-7 show ni Paolo Contis, naitanong namin siya kung sino ang mga celebrity fathers na gusto niyang maglaro sa kanyang bagong palabas. Ayon sa male TV host, gusto niyang makasama sina Aga Muhlach, Dolphy, si Raymart Santiago, Joey de Leon at Vic Sotto.

Kaya simulan na ang tagisan ng galing upang makita kung sino ang may karapatang magsabi ng "Wala kayo sa tatay ko!" Abangan ang kapana-panabik na banggaan ng mga bigating tatay at chikiting sa My Dad Is Better Than Your Dad, simula ika-8 ng Pebrero, kapalit ng Family Feud: Celebrity Edition (tuwing Linggo) sa GMA-7. Mapapanood pa rin ang game show ni Richard Gomez mula Lunes hanggang Biyernes sa Kapuso Network.


Ito ang mga rounds na dadaanan ng mga contenders:

Round 1: Ang Daddy Kong Strong

Must-Haves: energy, resistance and determination

Sample Challenges:

1. Magwasak ng isang office desk.
2. Tumakbo paakyat ng isang giant slide habang bitbit ang isang malaking bola.
   
   

Round 2: Ang Daddy Kong Fast

Must-Haves: speed, endurance and alertness

Sample Challenges:

1. Kumuha ng letter sa isang giant messy soup bowl at bumuo ng isang salita mula sa letters na makukuha.
2. Makapagdikit ng pinakamaraming dart sa giant board gamit ang naka-harness na anak.
   
   

Round 3: Ang Daddy Kong Brave

Must-Haves: agility, mental toughness and spirit

Sample Challenges:

1. Humuli ng mga ibon sa itaas ng puno habang hinahagisan ng bola ng kalaban
2. Harangin ang mga ikakanyong newspaper roll ng kalaban.
   
   

Round 4: Ang Daddy Kong Smart

Must-Haves: knowledge and awareness

Challenge:

Sagutin ang mga tanong na madali para sa anak pero mahirap para kay Daddy. (Halimbawa: sino ang malaking batang kaaway ni Nobita sa Doraemon?)

Jackpot Round: Ang Daddy Kong Da Best

Must-Have: Daddy instinct

Challenge:

Sagutin ang mga tanong na may kinalaman sa anak. (Halimbawa: ano ang nasasabi ng iyong anak kapag siya'y nagugulat?)