Sa July 7, ikakasal na ang young actress-singer na si Nikki Valdez sa kanyang long-time boyfriend na si Christopher Lina.
Si Nikki ay isa sa mga January birthday celebrators of ABS-CBN Star Magic, having turned 28 last January 25. Isa siya sa mga nabigyan ng press con ng Star Magic nuong Tuesday sa 14th floor ng ELJ Bldg., ABS-CBN compound.
Late si Nikki na dumating kasama si Chris, her boyfriend of four years. Ngayon pa lang daw ay inaasikaso na nila ang kanilang kasal. Sa Don Bosco Church sa Makati sila ikakasal with the reception in a Makati hotel, na Nikki requested wag munang i-disclose.
Request din niya, huwag munang sabihin ang lahat ng mga magiging sponsors ng kasal nila, both principal and secondary. She revealed, however, that one of their future ninongs will be Aga Muhlach.
Nang magkasama pa sina Nikki and Aga sa sitcom na OK Fine Whatever, sinabihan daw siya ni Aga na huwag siyang kukuning secondary sponsor sa kasal. Gusto raw kasi ng aktor na maka-experience kung paano maging ninong mismo sa kasal.
Nang pinaplano na nina Nikki and Chris ang kasal nila, nilapitan nila agad si Aga para maging ninong. Pumayag naman ang multi-awarded actor na asawa ni Charlene Gonzalez.
Nagkakilala sina Nikki and Chris sa Pilipinas through a common friend although Canada-based ang binata. Now 38 years old—but definitely doesn't look his age dahil mukhang in his 20s pa lang siya—Chris belongs to the Lina political clan of Laguna. He works as a sales manager for Lexus cars in Canada.
May tinatapos na ABS-CBN soap ngayon si Nikki, ang Walang Kapalit, starring her friend Claudine Barretto and Piolo Pascual. Tatapusin lang daw ito ni Nikki at pagkatapos ng kanilang kasal, sa Canada na raw sila maninirahan ng kanyang asawa.