Ginanap noong Wednesday, January 24, sa Max's Restaurant, Roces Avenue, ang oath-taking ng mga bagong halal na opisyales at board members ng Philippine Movie Press Club (PMPC).
Tumayong guest speaker at nagbigay ng basbas sa nasabing panunumpa ang vice mayor ng Quezon City na si Herbert Bautista. Bukod sa libreng membership sa Philhealth na ipinagkaloob niya sa bawat miyembro ng PMPC, ipinahayag din ni Herbert na anumang oras ay nakahanda siyang sumuporta sa anumang proyekto ng nasabing grupo.
Kasama rin sa mga dumalo at sumaksi sa nasabing oath-taking ang dating PMPC president at talent manager na si Manay Ethel Ramos, ang producer ng Star Awards na si Ms. Josephine Saba, Mr. Zachari Barlahan, Ogie Diaz, Jun Lalin, ang TV crew ng The Buzz, 24 Oras, TV Patrol, at UnTV.
Heto ang listahann ng mga bagong halal na officers at board members ng PMPC:
President—Fernan deGuzman
Vice President—Rommel Gonzales
Secretary—Mell Navarro
Asst. Secretary—Mildred Bacud,
Treasurer—Joe Barrameda
Asst. Treasurer—Robert Pangis
Auditor—Boy Romero
PRO—Roldan Castro at Melba Llanera
Board Members—Aaron Domingo, Gas Gayondato, Rodel Fernando, Rommel Placente, Oghie Ignacio, at Manay Leti Celi
Inihayag na rin ng PMPC na sa March 23 na ang Star Awards for Movies na gaganapin sa UP Theater.