Finally, after so many years, kumpirmado na ang kauna-unahang pagsasama sa isang pelikula ng dalawang major stars ng Pinoy showbiz na sina Maricel Soriano at Aga Muhlach.
Sa tinagal-tagal nina Marya at Aga sa industriya, hindi pa nga sila nagkakasama sa kahit na isang pelikula. Marami na silang mga nakapareha sa kanilang past movies, pero wala pang napapanood na Maricel-Aga flick. Kaya with this news, siguradong magbubunyi ang fans ng dalawa.
Napag-alaman ng PEP (Philippine Entertainment Portal) na no less than Star Cinema—ang film arm ng ABS-CBN—ang gagawa ng very first Marya-Aga movie. Take note, ang direktor ay hindi basta-basta—si Direk Maryo J. delos Reyes lang naman!
May working title ang movie na Don't Want You To Go, kung saan makaka-love triangle nina Marya at Aga ang young actress na si Angelica Panganiban, na ginu-groom ng Star Cinema to be its next important star.
Ang last film ng award-winning director na si Direk Maryo ay ang Magnifico (2003), wherein he scored a grand slam for Best Director sa lahat ng major award-giving bodies.
Last year ay nakagawa si Direk Maryo ng teleserye over the Kapamilya Network—ang Calla Lily starring child actress Sharlene San Pedro. Dito nga marahil nagsimula ang magandang samahan nina Direk Maryo at ng ABS-CBN.
After Magnifico, dalawang scripts for two separate movies ang dumaan kay Direk Maryo para sana gawin niya. Pero pareho niya itong hindi gaanong nagustuhan. Finally, hindi na kahabaang negosasyon ang nangyari between the camps of Aga, Marya, Direk Maryo, and Star Cinema. Nagustuhan kasi agad ni Direk Maryo ang script, pero ipina-revise niya lang nang kaunti ito.
Anyway, ayon sa industry source ng PEP, "isang mature, passionate, at uukit sa puso" na love-triangle story ang Don't Want You To Go. Very challenging daw ang roles ng tatlong bida.
Tiyak na matutuwa ang Maricelians and Aganians sa panalong balitang ito. And guess what, first shooting day ng movie bukas, January 30, somewhere in Alabang. Nakatakda rin daw silang mag-shooting sa Batangas.
Ang huling pelikula ni Maricel ay ang indie film na Inang Yaya last year, samantalang si Aga ay huling napanood sa Dubai noong 2005.