"I don't wanna deny na numbers are important. But I'm not consumed, I'm not obsessed by numbers. I am too secure in what I can do and what I cannot do to worry about numbers," says Boy Abunda (in photo with co-host Kris Aquino) about the ratings. Photo: Noel Orsal


Kinumpirma ni Boy Abunda sa PEP (Philippine Entertainment Portal) na magkakaroon ng mga pagbabago sa daily morning show nila ni Kris Aquino sa ABS-CBN na Boy & Kris.

 

"Oo, hindi naman siya reformat. Well, for lack of a better word, we're trying to evolve. We're trying to find new things to do," umpisang paliwanag ni Tito Boy nang makapanayam siya ng PEP last Tuesday afternoon, September 25, during a short break sa taping ng Boy & Kris.

 

Ayon sa batikang TV host, hindi pa klaro sa kanya kung ano exactly ang mga magaganap na changes sa show, pero itinanggi niyang gagawing mala-The Buzz na isang showbiz-oriented talk show ang pang-umagang programa nila ni Kris.

 

May balita ring paghihiwalayin sila ni Kris at madalas daw na lalabas si Boy para mag-interview habang si Kris ay mananatili sa loob ng studio.

 

"Hindi naman. Meron pa rin kaming mga studio interviews," paglilinaw niya. "But you know, it's basically an effort to do something different. Pabagu-bago, may studio, may labas na interviews, para lumawak ang coverage.

 

"Basically nga, si Kris ang lalabas ng studio, e. Pero ako rin, lalabas. Wala pa akong masyadong detalye, but it will start sometime October.

 

"Hindi naman pagbabago ito. It's introducing new portions. For lack of a better word, it's called reformat. Ginagamit lang yung general term na ‘yon," sabi pa ng kilalang TV host/talent manager.

 

RATINGS GAME. Hindi maitatanggi na may kaugnayan ang ratings sa mangyayaring reformatting ng Boy & Kris dahil base sa survey results ay palagi itong nalalamangan sa ratings ng katapat na morning show ng GMA na SiS.

 

"Let's put it this way, we should be sensitive to other people's opinions. Hindi natin dapat ikaila ‘yon, lalo na if it makes sense.

 

"With humility, you should listen to the opinion of other people. Number two, you shouldn't just stop at where you are. You shouldn't just stop within your comfort zone.

 

"I think you should push the envelope, you should push yourself to the edge para hindi ka maluma, hindi ka ma-bore, para may bago. And you should always be excited to learn new tricks. Kaya bukas ako sa ganyan, e.

 

"Naalala n'yo ‘yung mga 'Ebidensiya' sa The Buzz? On the spot ‘yon. Eksperimento. Sometimes it's planned, sometimes it happens, di ba? Kasi, when you do what you do for a couple of years, you have to keep on reinventing. Instead of a reformat, it's bahagi ng reinvention. Kung kaya mo, gawin mo.

 

"Ako basically, mahalaga sa akin yung ganitong klase ng proseso dahil it excites me. Hindi yung ‘yon na lang nang ‘yon. But we can always go back to this. Kasi, hanggang ilan naman ang puwede mong ikutan? Ilan naman ang puwede mong subukan?

 

"When you do a morning talk show, you're limited to certain options lang. So, iikot at iikot ka lang. Lalabas kami; sa susunod, sa studio naman. Hindi pa rin mawawala yung studio.

 

"You know, it is always an effort to make it more exciting. Will it work? With all humility, I don't know. Pero it should not stop us from trying," tuluy-tuloy na pahayag ng tinaguriang local TV's King of Talk.

 

Anong reaksyon niya kapag sinasabi ng ibang tao na palagi na lang silang natatalo sa ratings ng katapat nilang show?

 

"Hindi ako defensive about it," mabilis na sagot ni Tito Boy. "Kasi, hindi lang ikaw ang anak ng Diyos. Pag natatalo ka sa ratings, you look forward to the next show para maipanalo mo. Pag nananalo ka naman, you work even harder para ma-maintain mo, di ba?

 

"Pero no one I think can claim na, ‘Panalo ako habambuhay!' Hindi. It makes you work harder. That's the ball game.

 

"Pero ako, I don't wanna deny na numbers are important. But I'm not consumed, I'm not obsessed by numbers. I am too secure in what I can do and what I cannot do to worry about numbers.

 

"I have been blessed too much to complain. At alam ko ang kaya kong gawin, alam ko ang hindi ko kayang gawin. Alam ko ang aking kahinaan, alam ko ang aking strengths, for me to worry about numbers. That's why I think I've stayed in this business for so long," bulalas pa ng premyadong TV host.

 

KRIS'S MAGIC. Anong comment niya sa opinyon ng iba na parang wala na raw "magic" si Kris Aquino at tila nawalan na ito ng excitement, hindi katulad noong nasa The Buzz pa ito?

 

"Hindi naman siguro. She will remain to be one of the most interesting personalities [in showbiz]," maagap na depensa niya sa kaibigan at co-host.

 

"Kris has the power and the capability to reinvent herself. Bihira yung mga ganyan. May effect ba yung pag-alis niya sa Buzz? Hindi naman siguro. She will always be exciting.

 

"Katulad ng lahat ng bagay, katulad ng symphonic movement, hindi lahat malakas...bumubuwelo, malakas, dahan-dahan...kanya-kanyang timing.

 

"But she remains to be one of the most interesting and one of the best. ‘Yan ang importante. Ang sa akin lang, kasi hindi ko idinedenay yung ratings, di ba? Pero hindi naman ‘yun lang ang nakikita...

 

"You know, I'm very glad when other shows win. There is enough room for SiS and Boy & Kris to walk around. We have a big industry for the two shows and it is good for our audiences because they have choices. Nakakapamili sila ng mapapanood.

 

"Pero hindi kami masyadong tapat ng SiS, e. Our first ten minutes, we're up against cartoons [ng GMA] and malaking bagay ‘yon, ha?

 

"Parang Buzz at Showbiz Central ‘yan, e. Nagtatapos kami ng alas-sais kinse, nagtatapos sila ng alas-sais trenta. So, primetime na sila. May mga elemento na ganoon. Numbers are not just dictated by the viewership of the show. Merong elemento na magkatapat ba kayo? Parehong oras ba kayong pumasok [sa ere]?

 

"Pero ako, tanggap kong may mga pagkakataon talaga na ang palabas namin, mahina ang istorya. With all humility, I say yeah. Pero halimbawa lahat patas, maganda ‘yon kung laban lang."

 

Mas affected ba siya kapag natatalo sa ratings ang The Buzz kesa kapag natatalo ang Boy & Kris?

 

"Alam mo, hindi, e. I've been in this business for too long, I know what it is to win and I know what it is to lose. It's fun to win, but I've never really lost.

 

"Umiikot ang mundo. Hindi tayo yung nanalo ka ngayon, you're a winner. Hindi, e. Mahirap. Like sa Buzz halimbawa, ilang linggo na naman ngayon na panalo [kami]. Hindi ko kinakarga ‘yon sa puso at konsensiya ko na panalo kami. Hindi.

 

"You move on to the next show and the next show, you're not even sure if you're gonna win. You are dependent on the artistas if they would give you their stories, you're dependent on the news, you're dependent on so many things.

 

"Wala kaming karga-karga, baun-baon na yabang. Hindi kami puwedeng magbaon ng yabang because we are all dependent on our next show," huling linya ni Boy.