Bagama't umiiwas si Bong Revilla na ma-interview ng reporters, nagpaunlak naman siya ng panayam nang ma-corner siya sa party. Kapansin-pansing wala sa party si Lani. Haka-haka tuloy ng ilang press people, umiiwas talaga si Lani na makausap ng press regarding the incident with Ruffa.
WALANG PAKIALAM. Nang tanungin na si Sen. Bong hinggil sa pinag-uusapang insidente, sinabi niyang hangga't maaari ay ayaw niyang makialam dahil pakiramdam niya'y hindi siya involved doon. Kung ang sinasabi raw ng iba ay may kinalaman sa pagkaka-link ni Ruffa noon sa kanya, matagal na panahon na raw iyon.
"Panahon pa nga ni Mahoma ‘yon, eh!" malakas na tawa ni Bong na tila inulit lang ang nabanggit ni Ruffa sa kanyang interview.
"I guess wala naman akong kinalaman sa nangyari sa kanila that night. Hindi ko naman alam ang nangyari talaga between Lani and Ruffa. Kung may nang-snub or wala, sana ay hindi na lang pinalaki ‘yon. Kasi marami ang nadadamay.
"Nagulat na lang kami kasi biglang naging topic of discussion ‘yon sa isang show which hindi naman dapat sana."
Sa party pa rin ni Daboy, nasaksihan ng PEP nang batiin ni Sen. Bong si Ruffa, pati na ang mga magulang nitong sina Eddie Gutierrez at Annabelle Rama. May mga nagsabi na personal na choice lang siguro ni Lani ang ‘di batiin si Ruffa dahil sa mga nakakakilala kay Lani. Hindi raw ito ang tipo ng tao na makikipagplastikan pa sa taong ‘di naman niya gustong batiin.
Hindi pa rin nagpapaunlak ng interview si Lani sa kahit na anong TV talk show hanggang ngayon. Ang nagsasalita na lang para sa kanya ay ang manager nila ni Bong na si Ms. Lolit Solis.
Kahapon ay lumipad patungong U.S. sina Bong at Lani para dumalo sa isang parangal na gaganapin sa Kodak Theater sa Hollywood. Tatanggap ng award si Bong dahil hinirang siyang isa sa outstanding Pinoys ng isang samahan doon.