Napag-alaman ng PEP (Philippine Entertainment Portal) na noong Sunday, April 6, ginawa ang first taping ng Dyesebel sa Coron, Palawan. Mga bata muna ang kasama ni Marian Rivera at kahapon lang kinunan ang mga eksena nila ni Dingdong Dantes. Magagandang eksena raw ang kinunan ni Direk Joyce Bernal, may kasama pang plug shoot at underwater scenes.

Isinabay na rin ang dagdag na pictorial sa cast na kinunan ng photographer na si Jay Tablante.

Introducing sa Dyesebel ang mga batang sina Kirsten Sigret at Arkin Magalona as the young Dyesebel and Fredo, respectively. Walang ibinigay sa PEP na info tugkol sa mga bata, except that Arkin is the son of Pia Arroyo and Francis Magalona, and he is the brother of Maxene Magalona.

Sa pangalan pa lang, obvious na may dugong banyaga si Kirsten at interesado tiyak ang naghihintay sa Dyesebel kung paano siya napili sa role.

Kasama rin sa batang cast sina Charlotte Hermoso, isa sa twin endorsers ng Surf, at Filiberto Nepomuceno na gaganap na mga batang Jelai at Butete, mga kaibigan ng batang si Dyesebel. Lumabas na si Charlotte sa Impostora, kasama ang kakambal bilang mga batang Iza Calzado.