More big announcements are in the offing regarding the pairing of Richard Gutierrez and KC Concepcion.
Nagsimula na ang sunud-sunod na big announcements na hindi namin maisulat kahit saan, pero pinasadahan namin noong Miyerkules (April 30) bilang blind item lang sa tabloid columns namin.
Una na nga rito ang pagpirma ni KC sa Star Cinema ng three-picture deal. Bagama't matagal nang na-announce ang pagiging Kapamilya ni KC—both in TV and movies—konti lang ang nakakaalam na hindi pa nga noon nagkakapirhmahan sina KC at ang Star Cinema, although it was approved in principle na.
Sumunod na big news ang pagsasama nina Richard at KC sa isang Star Cinema movie na in-announce kanina, May 2, sa TV Patrol World. Si Richard ang pumirma ng one-picture contract sa Star Cinema kahit exclusive GMA Films star ang young actor. Present sa contract signing sina Ms. Malou Santos at Roxy Liquigan ng Star Cinema; ang ina at manager ni Richard na si Ms. Annabelle Rama; at ang OIC ng GMA Films na si Noel Ferrer.
It should be emphasized that this movie is indeed an exclusive Star Cinema production that will star Richard and KC to be directed by Ms. Joyce Bernal, and it will be released later this year.
The big reason kung bakit hindi ito co-production ng Star Cinema and GMA Films, baka kasi mag-isip ang ilang artista na nakatali exclusively sa either film companies na puwede naman pala na magsama ang Star Cinema at GMA Films, bakit hindi rin sila bigyan ng ganitong special treatment.
But the series of big announcements will not end there. Hinihintay lang ang pagdating ng GMA Films president na si Ms. Annette Gozon-Abrogar from her vacation abroad middle of this month para sa susunod na big announcement that will come from GMA's side naman. This is the compromise agreement kung bakit pinayagan ng GMA Films si Richard na gumawa ng pelikula sa Star Cinema.
Again, hindi nga puwedeng maunahan ang GMA Films head kung ano ang sinasabing next big announcement, but it will validate Richard's position na siya lang ang may karapatang matawag na Philippine cinema's "Valentine King" kahit sino ang maka-partner niya sa pelikulang pang-Valentine's ang playdate.