Unang nakilala ang Filipino-Italian na si Matteo Guidicelli sa larangan ng car racing. Subalit inamin nito na sobrang enjoy siya sa harap ng camera kaya mas nakatutok siya ngayon sa kanyang showbiz career.
"Yes po. Kasi mahal na mahal ko ‘yong pag-acting. The craft, the art of acting is so exciting and everything, and sa college po mag-theater din ako. I'm leaving for the States, August for college in Chicago and I'm gonna take up Theater Arts," kuwento ni Matteo nang makakuwentuhan siya ng PEP (Philippine Entertainment Portal) sa Studio 10 ng ABS-CBN.
Kasama ni Matteo ang iba pang cast and staff ng soon-to-be launched na afternoon soap opera ng Kapamilya network, ang Ligaw.
Bago lang nadiskubre ng batang car racer ang passion niya sa acting at kinailangan pa nitong magbakasyon sandali sa Amerika para suriing mabuti ang sarili.
Kuwento nito, "Two years ago, I went to the States just randomly. Nagwu-workshop ako dun sa L.A. [Los Angeles, California], sa Universal Studios. When I came back, sabi ko, ‘Tama, gusto ko ‘to. Hindi na racing, ito na.
"'Yong racing ko po, sometimes na lang, hindi na like before," said Matteo casually. "Sometimes na lang ‘yong racing ,just for fun. Hindi na competitive like dati."
ADJUSTMENT STAGE. Paunti-unti ay nakakapag-adjust na si Matteo sa routine at demands ng napiling profession.
"Okay naman, kasi the first day ng shooting, sobrang hintay ako. But I'm getting used to it. Masaya naman, you talk to the people and read the script."
Michael ang pangalan ng role na gagampanan ni Matteo sa Ligaw. May pagka-rebelde sa pamilya ang role niya rito at mahilig din sa sports.
"I love my sport too much. I'm an achiever in sports. I love my sport which is motocross and then I fell in love with Fatima [Erich Gonzales] and... wala nang sport, love na lang," nangingiting kuwento ni Matteo tungkol sa kanyang role.
Kabaliktaran naman daw sa tunay na buhay ang ugali ni Matteo pagdating sa pamilya. Very close si Matteo sa kanyang mga magulang. Wala naman daw reklamo ang kanyang mga magulang sa desisyon niyang mag-artista instead of pursuing car racing.
"They like it," masayang balita nito. "My family is sobrang supportive, kahit anong gusto ko, they support me. Okay naman ‘yon basta disciplined ako, that I don't do bad things, walang vices, ganoon."