Naglikha ng ingay ang bagong sexy star na si Precious Adona nang bumulaga siya sa cover, no less, ng number one men's magazine na FHM ng Summit Madia ngayong buwan ng Mayo.
Nakausap ng PEP (Philippine Entertainment Portal) si Precious sa Viva Films office kahapon, May 20, para sa presscon ng pelikulang Torotot. Ayon sa sexy star, walang pagsisisi kung naging medyo daring man ang kinalabasan ng cover ng FHM dahil magaling naman daw ang advertising and fashion photographer na si Marlon Pecjo.
February 2008 naganap ang shoot ni Precious para sa FHM at ang vital stats ng 23-year-old newcomer ay 35-26-35.
"Tatlong araw akong hindi kumain bago ang pictorial na 'yan, para wala akong tummy," sabi ni Precious bilang preparasyon niya for the shoot.
Aminado si Precious na kahit siya ay nagulat sa ganda ng nilabasan ng final print ng FHM magazine.
"Parang hindi ako!" tili niya. "I really love the photographer, ang galing niyang mag-motivate. I don't know if it's good or bad thing, pero sobrang hindi nila ako makilala! Sabi ng mga friends ko, 'You're so hot! You're awesome...hot girl!'
"Nung nag-shoot niyan, di ko talaga alam ang buong concept. Pero kasi ako, every time I work, I trust my co-workers, e, I trust the photographer, lalo na ‘pag shoot."
Ipinagmamalaki rin ni Precious ang naganap na autograph signing nang unang lumabas ang May issue ng FHM.
"Ang haba ng pila sa may cinema lobby of Robinson's Galeria nun!" bulalas niya. "I felt like a star dahil ang daming nagpapapirma sa aking guys. They say that it's one of the sexiest covers of FHM, but I don't mind. Although I'm not wearing anything, hindi naman malaswa o bastos tingnan, may art at concept pa rin."
NON-SHOWBIZ BF. May non-showbiz boyfriend ang FHM cover girl for May 2008, pero hindi naman daw ito nagalit sa ginawang pagpu-pose nang halos hubo't hubad sa nasabing men's magazine.
"He's in the U.S. right now, um-attend ng graduation ng ate niya. Pero babalik na rin in a few days. He just graduated in Fordham University. Nung una pa lang niyang makita [yung FHM], naloka siya, the way na naloka ako kasi mga raw pictures pa lahat yun, e.
"We're just on our first month together. I met him at the birthday party of my cousin who's his friend dito sa Pilipinas. Ang sabi niya, 'Buhay pa ba yung stylist mo dito sa shoot?' hagikhik ni Precious.
"Hay naku, twenty copies ang binili niya, 'no!"
May boyfriend man, hindi pa masyado nagseseryoso sa love life si Precious dahil mas gusto niya munang harapin ang nagsisimula niyang career.
Ano ba ang hinahanap niya sa isang lalaki?
"I'm not particular with looks, e. Pero I like tall and moreno, and siyempre, yung laging mabango," sagot niya.
TOROTOT. Unang sumabak sa Be Bench model search ng ABS-CBN si Precious. Napag-alaman namin mula sa Viva Artist Agency (VAA) head na si Ms. Veronique del Rosario-Corpus na ang dating TGIS star na si Raven Villanueva ang nagpakilala kay Precious sa Viva.
In no time at all, nag-workshop na si Precious under VAA, at binigyan agad ng launching sexy film na pinamagatang Torotot, kung saan kasama niya si Yul Servo (as her husband na "tinorotot" o niloko niya), Baron Geisler, at ang mga nagbabalik-pelikulang sina Maui Taylor (best friend niya sa film) at Anton Bernardo (ang kalaguyo).
Ang Torotot ay mula sa direksyon ni Maryo delos Reyes kaya hindi nagdalawang-isip si Precious na tanggapin ang movie kahit bold.
"I really wanted to become a host, but this is the break that Viva gave me, so I might as well grab the opportunity. If I let it pass, baka hindi na dumating," sabi ni Precious, na kinontrata ng Viva for five-year management.
May isang love scene ang baguhang sexy star with Yul at tatlong maiinit na love scenes naman kay Anton—sa kusina, sa kotse, at sa basement.
"Kaya ko niloko dito si Yul, kasi hindi na siya passionate sa sex. Na kapag nag-o-orgasm siya, he will just sleep!" kuwento ng newcomer tingkol sa kanilang pelikula.
PLAYMATE NG BAYAN. Kung si Joyce Jimenez ay binansagan ng Viva noon bilang "Pantasya ng Bayan," ang bansag naman ngayon kay Precious ay "Playmate ng Bayan."
"It takes someone to be named like one," sambit ng sexy star. "Pero kapag madumi ang isip mo, bastos ang dating nung title na Playmate ng Bayan, di ba?
"Pero puwede rin namang I can be a playmate of kids, 'coz ako, I really love kids. If I'm not a star, I'd be a pre-school teacher or maybe a flight attendant. I also love to play. I'm playful... I love to play around."
Bukod sa Torotot, natapos na rin ni Precious ang Three Days of Darkness with Gwen Garci and Katya Santos. Nakatakda na rin niyang simulan ang next project niya under Viva, ang Room 213 nina Gwen at Allen Dizon.
Ang Torotot ay may June 18 target playdate.