Na-text sa PEP (Philippine Entertainment Portal) ang pagdating ni Jericho Rosales sa bansa, 4 p.m. kanina galing Malaysia at sakay ng Malaysian Airlines. One or two weeks daw mag-i-stay rito ang actor at muling babalik sa Malaysia para sa launching ng kanyang Jericho Cologne ng Natasha.
Sosyal ang actor, dahil sa Kuala Lumpur ang launching ng cologne na sunod sa kanyang pangalan.
Two months pa raw tatagal ang taping ng soap ni Jericho sa Malaysia, kaya hindi pa talaga siya mapipirmi sa bansa. Sabagay, pabor ito sa kanya para makaiwas sa mga tanong tungkol sa kanila ng ex-girlfriend niyang si Heart Evangelista.
Habang nasa bansa, hindi makikita at makakausap man lang sa phone ni Jericho si Heart, dahil sabi sa PEP, nagbago ng number ang actress para hindi na siya matawagan ng mga taong ayaw niyang makausap.
At saka, ayaw na nitong pag-usapan ang actor at sa guestings niya sa shows ng GMA-7, laging nire-request na no mention of the actor's name and no question sa nakaraan nilang relasyon.