Sa Bench fashion show sa Araneta Coliseum noong July 25, Friday, muli naming namataan at nakausap si Nancy Castiglione o Nancy Jane, ang bago niyang pangalan.
First time nga raw niyang ulit lumabas sa isang malaking event since nag-lie low muna siya sa showbiz scene at nag-concentrate sa kanyang recording career.
Natuwa naman si Nancy dahil isa siya sa pinili para mag-model ng Bench Body.
"It's my first time to wear such a skimpy undergarment at kinabahan ako because baka may makita sa akin kapag nailawan na ako," sabay tawa niya.
"But it was okay naman and dinaan ko na lang sa confidence ang lahat."
Seryoso rin si Nancy sa kanyang pinasok na bagong career. Tinatapos na nga niya ang kanyang matagal nang dream na CD.
"I've been working on it in the past few months na. I've released a single and it's getting good airplay naman every now and then. Ang importante kasi ay yung album na I have to finish this year."
Marami na nga raw tinanggihan si Nancy na mga projects sa TV dahil mas feel daw niyang maging singer ngayon. Wala naman daw pagsisisi ang pagpalit niya ng career.
"Very rewarding din naman ang ginagawa ko. I get to do some shows here and there. This time, I'm doing what I really love which is performing and singing."