Naniniwala si Ryan Agoncillo na walang kinalaman ang pagkakaayos ng ABS-CBN at kasintahan niyang si Judy Ann Santos sa pagkakakuha sa kanya bilang host ng bagong reality show sa Kapamilya network, ang Pinoy Fear Factor, na kukunan pa sa Argentina.
"No, no, iba yung concerns namin. We fight our own battles. Actually, nung night nga na 'yon nung nag-audition ako, yun yung night na nagmi-meeting sila ni Sir Gabby [Lopez]. But si Sir Gabby, gustong pumunta doon sa auditions para manood. Si Juday ang pumigil dahil baka lalo raw akong kabahan. Kasi magka-text kami. Siya, kinakabahan sa meeting niya; kinakabahan ako sa auditions ko," kuwento ni Ryan sa panayam sa kanya ng PEP (Philippine Entertainment Portal) sa launch ng Pinoy Fear Factor.
EAT BULAGA! IN L.A. Inusisa rin ng entertainment press si Ryan tungkol sa show ng Eat Bulaga! sa Los Angeles, kung saan special guests sina Ryan at Judy Ann. Pinabulaanan ni Ryan ang lumabas na balita na "flop" daw ang naturang show.
"There are a lot of people. Ang akin nga, e, ang amin, it wasn't a flop, definitely. And it's one of the better shows that I was part," sabi ni Ryan.
Kinuha rin namin ang reaksiyon ni Ryan sa mga larawan na nakuha ng entertainment editor ng Balita na ipinadala sa kanya. Makikita sa naturang picture na puno ang ibabang bahagi ng venue, pero wala raw tao sa ikalawang level at sa bleachers section.
"Well, that was just the bleachers. Nobody really goes to the bleachers even in Araneta [Coliseum]. The concerts never, people never watch in the bleachers. What you don't see is dito [ sa ibaba], ang kapal ng tao. This is NBA class na lugar, pero ang tao nito situated papataas na ganun. What you're seeing in the empty bleachers, which is a fourth, not even the quarter of the capacity. Pero ang akin, hindi yun ang ano, kung ibinaba mo ang kamera makikita mo ang kapal ng tao dito," paliwanag ni Ryan.
Para kay Ryan, masasabi lang na flop ag concert kung konti lang ang tao sa patron section at puno sa bleachers.
"Oo, kasi ito yung ano, e, tig-100 dollars na tickets, e. How many Filipinos are there in the States at a given time?" argumento niya.
From Ryan's point of view, totoo ang picture na nakita niya na kinunan sa concert. "But then again, I can take a picture, I can also take a picture na to defend."
Dahil sa isyu na flop diumano ang show ng Eat Bulaga! sa U.S., may intriga na hindi pa rin ganun kalawak ang coverage ng GMA Pinoy TV sa U.S. Idagdag pa na kinuha pa sina Ryan at Juday to join the show, plus ang love team nina Dingdong Dantes at Marian Rivera.
"Ay, hindi, marami siya," diin ni Ryan. "I've seen, no...hindi siya flop by all means. Kasi mahirap magsalita, maiipit ako actually if I defend it, e. Pero siguro I'll defend it but meron akong mga puwedeng sabihin to defend it that will dispel rumors; but I can't say, ganun na lang. But for me, from what I saw, there's a good crowd. One of the better crowds I've been in, so that's all that matters to me."
(Sa huling kaganapan, nag-apologize na ang nagpakalat ng impormasyon na flop diumano ang show ng Eat Bulaga! sa Los Angeles na kinagat naman ng ilang columnists. Ayon sa ipinadalang e-mail ng isang "joweedeame," wala siya mismo sa venue kung saan ginanap ang show at kinuha lang niya ang mga larawan mula sa Internet. Sa ilang saglit ay ipu-post ng PEP ang kabuuang nilalaman ng e-mail ni joweedeame.)
BREAK FROM MMFF. Pagkatapos ng dalawang magkasunod na movies nina Ryan at Juday sa Metro Manila Film Festival—Kasal, Kasali, Kasalo (KKK) at Sakal, Sakali, Saklolo (SSS)—ang pelikula naman ni Ai-Ai delas Alas, Ang Tanging Ina Ninyong Lahat, ang official entry ng Star Cinema this year. Ano ang masasabi ni Ryan dito?
"Ang inano namin kasi ni Juday, after KKK, SSS, and Ysabella, a year and a half na dire-diretso kami na nagtrabaho together, papahinga muna kami. Kasi hindi kami love team, di ba? We're really a couple, so hindi kami loveteam, so pahinga. Trabaho muna siya on her own which is her Nurserye and her films. ‘Tapos ako, may Fear Factor, may Pieta, and I'm doing my show at TV5. So, magkahiwalay. But there's a sitcom in the works na if ever masimulan siguro namin yun, late this year na," lahad ni Ryan.
Hindi raw karugtong ng KKK at SSS ang gagawin nilang sitcom ni Judy Ann sa ABS-CBN. "Totally different, but it's definitely be a sitcom," sabi ni Ryan.
Ano ang masasabi niya ngayong wala silang entry ni Judy Ann sa MMFF?
"Okey lang. Mahirap kasi mag-filmfest din. Nakakakaba dahil bukod sa kalaban mo ang sarili mong pelikula, kalaban mo rin yung the rest na marami.
"Oo, may nerbiyos. Plus the fact na yung panahon ng filmfest, yun din ang panahon ng Pasko na you're running around, ano, mahirap. So, ilang taon na ba akong nagpi-filmfest? Tatlong taon na akong dire-diretsong nagpi-filmfest. So, this year, kung hindi ako mag-filmfest, makakaluwag ng konti yung December ko."
May plano na ba siyang gawin sa Pasko?
"Wala pa. Tingnan natin. May mga kaibigan kami na uuwi na we're looking forward na i-entertain. Kasi the past ilang years, yung mga umuuwi naming kaibigan, hindi namin nae-entertain kasi nga, may entry kami sa filmfest. So, this time around, at least we'll be able to go out of town. We'll be able to go nung kami talaga yung nagsa-shop, hindi yung pinabibili na lang namin."
JUDY ANN'S STATUS IN ABS-CBN. Bago sila umalis ni Judy Ann papuntang Europe, nagkaroon ng problema si Juday sa ABS-CBN. Ano ang ibinigay niyang advice kay Judy Ann during that time?
"Alam niya naman, e. Kasi kami ni Juday, we have our own diskarte with our own problems sa career. Basically, hindi ako masyadong nagbibigay ng advice sa kanya sa mga ganun, nakikinig lang ako. ‘Tapos kapag may mga specific siyang mga tanong, sinasagot ko na lang, pero mas beterano siya sa akin sa showbiz, e, sa totoo lang.
"Pero may diskarte ako na iba sa kanya. Magtatanong lang siya, sasagutin ko. Pero hindi siya yung advice na 'ito ang gawin mo, dapat gano'n'. It's more of pagtatanong sa kung ano yung panukala ng isang boyfriend, panukala ng isang lalaki, more like that," saad ni Ryan.
Ano naman ang ibinigay niyang panukala kay Judy Ann?
"What issues specifically?" balik-tanong niya.
'Tulad ng isyu na tatapusin na lang daw ni JudyAnn ang natitirang isang show niya sa ABS-CBN at saka siya lilipat ng GMA-7.
"May ganun ba? Ako kasi, with regards to loyalty and service, there's puso in it also in as much as there's business to it. So we're all, kumbaga sa amin, we're all businessman in this, we are players in it. So, kumbaga, don't hate the player, hate the game, di ba?
"Kumbaga, ako lagi kong advice sa kanya [Juday], ‘You have to think with a clear head.' Kailangan hindi emotional. Kailangan kung ano ang desisyon mo, stick to it kasi matagal yung proseso before you reached that decision. Once you've got to that process and you made a decision, you have to stick to it because that's the only way we survive this industry with integrity.
"Kailangan kung ano yung pinagdesisyon mo, tama yung pinagdaanan mong channels. And if your reason for making that decision is right, then you're halfway down. Kasi hindi naman yung magiging resulta ang pinagtatalunan, e, yung rason mo for that decision. If you did it with a good heart and a clear mind when you made that decision, stick to it kasi nega man o positive yung effect, hindi na isyu 'yon. The issue is the decision you made," punto niya.
What if natuloy si Judy Ann lumipat sa GMA7, maiiwan ba siya sa ABS-CBN?
"Ako? It shouldn't be an issue."
Paano ang TV rights kapag kinasal sila?
"Actually, wala. That's for sure," paniniyak ni Ryan.