"Naks!! I love the title. Gustung-gusto ko ito. Tuwang-tuwa ako kapag naglalakad. May tumatawag na sa akin, ‘Dyosa! Dyosa!' Nakakatuwa lalo na kapag mga bading. I'm the Philippines' Showbiz Goddess?! Gusto ko yun! Type ko yun," says the ecstatic Anne Curtis.

Photo: Noel B. Orsal

Dyosang-dyosa ang dating ni Anne Curtis in her white dress nang humarap sa presscon ng bago niyang teleserye na magsisimula na sa August 11 sa Primetime Bida ng ABS-CBN, ang Dyosa. Gawa ng designer na si Jun Escario ang suot niyang bagay na bagay sa kanya.

 

THE SEXY WHITE DRESS. Halos lumitaw na ang dibdib ni Anne sa haba ng cut ng dibdib sa harapan ng damit niya, pero kering-carry ni Anne at napaka-class pa rin ng dating niya.

 

"It must be the ‘Dyosa.' It must be the ‘Dyosa' feel," lahad naman ni Anne sa panayam with PEP (Philippine Entertainment Portal).

 

"Kasi yun yung requirement sa akin today. ‘Ah, please wear a Dyosa dress.' Sabi ko, ‘Saan ako makakahanap ng Dyosa dress?' My costumes are ganito. Very revealing, very ‘Dyosa.' Pero revealing in a way na hindi naman siya bastos tingnan."

 

Alam ba ni Sam Milby ang tungkol sa suot niyang ito?

 

"Yeah, first time he saw it, when we walked in."

 

Nagustuhan ba ni Sam ang cut ng dress niya na halos may mag-hello na sa dibdib niya?

 

"Sabi niya, he liked it. He just asked kung secure yung ano [boobs]. Sabi ko, secure naman."

 

Mas daring na ba talaga siya ngayon after doing Dyosa?

 

"I think I had the same question when I did When Love Begins. Same lang siya. ‘O, you're doing daring here...' ganyan-ganyan. You know me, I've always been comfortable with how I dress, with how I am. So, ewan ko bakit biglang daring, e. Sa Maging Sino Ka Man pa lang sobrang daring na. Kasi I don't have any fears, parang you know, if you've got it, flaunt it."

 

THE ONLY "DYOSA." Ang dami-daming nagki-claim na sila ang reyna at prinsesa sa ABS-CBN. Pero si Anne solong-solo ang title sa pagiging "Dyosa" ng Kapamilya Network.

 

"I'm just happy na ibinigay sa akin ang title na yun. At least I can say na that's my title. I'm Dyosa. Kaya nga tuwang-tuwa ako sa teaser na pinapalabas ngayon. ‘Ako si Anne Curtis, ako ang nag-iisang Dyosa.' Ha-ha-ha!

 

"Tuwang-tuwa ako. ‘Serious kayo, ito ang papasabi ninyo sa akin?' tanong ko sa kanila. ‘Oo, Anne.' ‘Ha?!'

 

"'Tapos sabi ko, ‘Serious siya?' ‘Oo, kailangan naka-emote lang, ha.' ‘Tapos sabi ko, sige."

 

May nagsasabi na si Anne na talaga ang "Dyosa" ng Philippine Showbiz.

 

"Naks!! I love the title. Gustung-gusto ko ito. Tuwang-tuwa ako kapag naglalakad. May tumatawag na sa akin, ‘Dyosa! Dyosa!' Nakakatuwa lalo na kapag mga bading.

 

"I'm the Philippines' Showbiz Goddess?! Gusto ko yun! Type ko yun," abot-tenga na ngiti ni Anne.

 

Ngayon pa lang tiyak na ikukumpara na si Anne sa ibang female lead stars sa telebisyon.

 

"Ah, I think comparison kasi, it's a good thing in the business. It's a healthy competition naman. Hindi naman yung maglalaitan or ganyan. But in terms of comparison it's expected na we can't meet everybody's expectation but we can only try our best and that's what we did. Talagang we really tried our best."

 

Sa tatlong leading man ni Anne sa "Dyosa" kanino siya pinakakumportable?

 

"Ah, wow! You know it's really hard. I've known [Luis] Manzano longer that I've known Sam. But of course, lately, I've spent more time now with Sam than I do with Manzano. So, it's really hard to choose. Kasi iba yung how I'm comfortable with the both of them. Iba yung level, e."

 

GOOD FOR ANNE. Si Luis na ang nagsabi na Sam is good for Anne.

 

"Ahhh..." bunting-hininga ni Anne.

 

Iwi-wish din ba niya si Luis ng ganyan for Angel Locsin?

 

"Oo naman. I've always been one of the first few people who is hoping they would actually... I don't know if they're together, ha. It's not my story to tell. But if ever it's true, I'm happy because kilala ko naman yung dalawang yun."

 

Pero si Sam, taglay ba ang mga katangiang hinahanap niya sa lalaki?

 

"I've known him for the past two years na, so, that's enough na to know him already. Just right timing, di ba?"

 

Ano ang mga qualities ni Sam na nagustuhan niya?

 

"Patience and forgiveness. Perfect siya sa gan'un. Minsan kasi I lack the ability of forgiving agad. Ito, grabe! Ang bilis mag-forget and I always think if he can do that, why can't I?"

 

HOT SAM. Paaano niya ide-describe naman ang katawan ni Sam, lalo na noong rumampa ang aktor sa nakaraang Bench Blackout fashion show?

 

"Hotness. He's very hot. After seeing him at Blackout? So hot!" diin pa ni Anne.

 

May nagte-text pa raw kay Anne na yummy ang katawan ni Sam.

 

"Actually that's the text from my friends. ‘Ang yummy naman ni Sam.' Sabi ko, ‘Wow! Thank you!' Thank you naman ako. Feeling ko, ako yung ano. Ha-ha-ha!

 

"But in fairness to Sam, he worked hard for that and well-deserved yung sigaw na nakuha niya. I'm a fan."

 

THE REAL SCORE. For the record, ano ang real score sa kanila ni Sam?

 

"There‘s nothing official, there's no exact term. But whatever relationship we're having right now,—exclusively dating—we're happy."

 

Would she say na dahil lagi na nga silang magkasama ni Sam, meron na rin siyang natututunan sa kanya?

 

"A lot of things. I learned patience. Napaka-patient niyan. How he easily forgives people. Kakaiba. He's a good influence."

 

Boto ba ang daddy niya kay Sam?

 

"Yes," ngiti ni Anne.

 

Marami naman ang nakapansin na kitang-kita raw kay Sam kapag nagkakaroon sila ng tampuhan ni Anne.

 

"Who said? Ha-ha-ha!

 

"Sam is like that. He gets easily affected. That's why you can tell na hindi siya showbiz na tao. Whatever he feels he shows it. Hindi niya itinatago."

 

Bakit naa-upset minsan sa kanya si Sam?

 

"I think mga petty concerns lang naman, and I think it's very normal. Even me, I get upset. Yung mga simpleng hindi nasagot yung tawag, ganun. It's really mga petty things. Pero never pa naman nangyayari na super major. Only before. Yung mga...yung when we broke up a year ago. Talagang hindi kami nagpapansinan. It reached that point.

 

"Yeah, this is our second time. He started courting me, mga December."

 

THE KINDEST IN THE BIZ. Agree ba siya sa comment ng iba na si Sam ang isa sa pinakamabait na aktor ngayon sa showbiz?

 

"Super-mabait siya. He's really...everyone that I've been with or shared everything with has been always nice to me. So, I've nothing bad to say din. And Sam right now for me is the nicest person."

 

Gusto ba niya na si Sam na ang lalaking pakakasalan niya?

 

"Who knows what the future has for me?" tapos ni Anne.