Maganda ang naging resulta ng pagsugal ng GMA-7 kina Glaiza de Castro at Lovi Poe nang binigyan sila ng sarili nilang Sine Novela na Kaputol ng Isang Awit, together with Marky Cielo and Jolo Revilla. Pero hindi ito agad nasundan.
Ang buong akala namin, si Glaiza ang magbibida sa TV5 show na Rakista ni Quark Henares, now starring Denise Laurel and Carlo Aquino. The said show is directly connected with the independent movie ni Quark mismo na Rakenrol, kung saan bida sina Glaiza and Diether Ocampo.
Bale off-shoot lang ang Rakista ng Rakenrol and, originally, dapat sanang maunang maipalabas ang movie version bago ang TV serialization. But it will not happen anymore as Rakista is set to pilot this Thursday, August 14, at 7 p.m.
Kesa rumaket sa TV5, binigyan na lang si Glaiza ng GMA-7 ng show. Pasok na siya sa upcoming primetime series na pagtatambalan nina Dennis Trillo at Katrina Halili, ang Gagambino.
Interesting ang pasok ni Glaiza sa nasabing soap dahil hindi siya ang original choice for the role. Playing the best friend to Katrina, the role was first offered to a top young female star of GMA-7 who nixed it dahil mada-downgrade siya considering nagbibida na rin siya several times, both in the afternoon soap block and in primetime.