NEWS

Three finalists compete for title First "Pinoy Idol"

(From left) Jayann Bautista, Ram Chaves, and Gretchen Espina are the three remaining Pinoy Idol finalists who will face-off in the finals next week.

Courtesy of GMA-7

Three finalists compete for title First "Pinoy Idol"

Dinno Erece

Sunday, August 10, 2008
08:09 PM

Rating

It's two girls and one boy for the top three of Pinoy Idol.

Kahit belatedly, the fans are back and alive for the final elimination night of Pinoy Idol sa Center Stage sa SM Mall of Asia earlier tonight, August 10. After several elimination nights, mistulang finals night na rin kanina sa dami ng fans na gustong makapasok ng Center Stage.

Full force na ang bawat supporters ng natitirang Pinoy Idol hopefuls na sina Jayann Bautista, Kid Camaya, Ram Chaves, Daryl Celis, at Gretchen Espina with their own posters, banners, chants, and what-have-yous.

Still the biggest contingent was that of Daryl, na simula pa lang ay very organized na ang mga fans na may pangalan ni Daryl cut in styrofoam na iwinawagayway nila. Bukod sa individual placards nilang hawak, may giant letters spelling his name ang hawak ng limang fans na nasa gitna nila.

Hindi rin naman nagpapatalo ang mga supporters ni Gretchen, lalo na't laging present ang kanyang amang gobernador ng Biliran at ang kanyang ina. For the final elimination round, lahat sila'y may hawak ng long orange balloons.

Lumaban na rin ang mga supporters nina Ram, Jayann, at Kid na dati ay dinadaan na lang sa palakpak at big picture posters. Ram has his supporters holding a legal-size carton bearing his name. Isang malaking tarpaulin naman ni Jayann ang hawak ng mga supporters niya, at may posters na hawak ang karamihan ng fans ni Kid.

Dahil final elimination na ito, kakaiba ang simula ng show kung saan tinanong ng host na si Raymond Gutierrez ang tatlong judges na sina Jolina Magdangal, Wyngard Tracy, at Ogie Alcasid kung sino sa tingin nila ang papasok sa Top 3. Unanimous pala ang decision nila that they think it would be Ram, Jayann, and Kid.

Individually, tinanong ulit sila kung sino sa palagay nila ang magiging first Pinoy Idol. Ogie picked Kid, Jolens chose Ram, and Wyngard voted for Jayann.

Unang tinawag ni Raymond si Jayann. Siya rin ang unang sinabihang pasok siya sa final three.

Pangalawang tinawag si Kid ngunit siya naman ang unang na-eliminate. After this, he sang his final Idol song, Wham's "Careless Whisper." With Kid's elimination, out na ang manok ni Ogie.

Pangatlong tinawag si Gretchen and she, too, is in. At that point, Gretchen was the first and only hopeful na hindi pinanigan ng tatlong judges na makakapasok sa final three.

Hinuli at pinagsabay ni Raymond na tinawag sina Daryl at Ram, pero binitin muna sa isang commercial gap. Finally, it was Daryl—the one with the consistently biggest group of fans and supporters—who was out of the final three at pasok naman si Ram. After this, Daryl repeated his performance of "Forever" as he ended his Idol journey.

Kung sa simula ng Pinoy Idol ay pawang mga babae ang naunang natanggal, pagdating sa Final Three, mas lamang naman ngayon ang bilang ng mga babaeng nakapasok.

One final performance night ang magaganap next Saturday, August 16, na gagawin na sa SMX ng Mall of Asia bago ang star-studded grand finals night ng first Pinoy Idol sa Sunday, August 17, also at SMX.

Join us on Facebook

Pages: 1

Related Articles

"Pinoy Idol" winner Gretchen Espina: "Sisikapin ko pong maging karapat-dapat." August 18, 2008 09:52 AM

FIRST READ ON PEP: Gretchen Espina proclaimed as the first "Pinoy Idol" August 17, 2008 08:08 PM

"Pinoy Idol" Top 3 finalists give their greatest performances at the final showdown August 16, 2008 08:17 PM

"Pinoy Idol" Top 3 prepare for the finals night August 11, 2008 10:15 AM

"Pinoy Idol" changes plan to eliminate two finalists; Warren Antig booted out August 4, 2008 09:30 AM