"Oo, ia-address mo yun. ‘Pag may ginawa, you have to be prepared what to do next. Pero hindi ibig sabihin na prepared kaming mawala si Richard, hindi yun ang ibig kong sabihin and that's why we have a contract.

"Kung iniisip ninyong naligalig kami, wala. Kung wala kang masamang intention, hindi ka maliligalig. Inuulit ko ang pagsasabing sa mga nangyari, walang malisya yun. Kung may sumama ang loob, humihingi ako ng paumanhin doon. Hindi mo rin gustong may negative reaction. Kung hindi ka man naintindihan or they were misinformed and for their being negatively affected, sorry," lahad ni Ms. Wilma.

Ibig bang sabihin nito ay nagso-sorry siya kay Annabelle?

"Hindi ako nagso-sorry sa kanya," paglilinaw ni Ms. Wilma. "I am sorry not because I'm at fault. I feel sorry for how they reacted to it, nagalit sila, nagkaroon ng bugso ng damdamin. Pero there's no malice intended."

Ayon pa sa GMA-7 executive, pamilyar na raw siya sa ganitong bugso ng damdamin ni Annabelle, lalo pa't matagal na rin siya sa industriyang ito.

"Mahirap din yung sasabihin mo na, 'Sige, tanggapin mo na lang lahat 'yan.' Hindi ko tinatanggap 'yon. Kailangan klaro kasi 'yon. Hindi ko tinatanggap lahat 'yon, hindi ko lang papatulan," mariing sabi ni Ms. Wilma. 

Si Ms. Wilma na rin ang nag-open sa general impression na takot ang network kay Annabelle, na itinanggi nito. Madalas daw kasing ipinapanakot ni Annabelle na ipu-pullout niya si Richard sa GMA-7.

"Hindi takot ang network kay Annabelle Rama, hindi. We have a professional relationship that we implement as best as we could." 

Takot ba silang mawala si Richard sa GMA-7?

"Hindi ko ‘yan sasagutin. Mahal ng network si Richard, we have no problem with him."

Sa sinasabing rivalry nina Richard at Dingdong, sabi ni Ms. Wilma, okey ang professional rivalry, pero hindi kailangang maging magkaaway ang dalawa.

"We are very happy and very proud na dalawa sa pinakamagaling na talents ay nandito sa GMA," pagmamalaki ni Ms. Wilma.

Narito ang panghuling pahayag ni Ms. Wilma: "The general viewing public, the viewers are the boss. Hanggang magaganda ang show na ginagawa ninyo, wala silang pakialam sa away. Gusto nila ma-entertain ng good show. At the end of the day, kung pangit ang show mo, hindi ka panonoorin. Mabuti na lang, magaganda ang shows namin at magagaling ang talents ng GMA."