"Wala akong pag-alinlangan at pagdadalawang-isip na matatalo ako
sa fight. Kasi kung iisipin mo yun, parang dini-discourage mo
ang sarili mo. Ang palagi ko kasing iniisip, kaya ko, lahat kaya ko. Kasi alam
ko na guided ako ng Mahal na Panginoon," says Manny Pacquiao about his upcoming match against Oscar dela Hoya.
Manny Pacquiao confident about his fight against Oscar dela Hoya
Monday, September 15, 2008
10:37 AM
Rating
Sa kauna-unahang pagkakataon ay humarap ni Manny Pacquiao sa Central Jury ng Showbiz Central kahapon, September 14, kung saan inabangan ng marami kung kakayanin ding i-knockout ng Pambansang Kamao ang isa man sa Killer Question o Killer Task na nag-aabang sa kanya.
Umpisa pa lang, kung sa mga laban niya sa loob ng ring ay hindi nagpapakita ng kaba si Manny, sa pagharap niya sa Central Jury ay natatawa nitong inamin na: "Kinakabahan naman ako sa mga tanong."
Marahil para ma-relax si Manny ay pinuri muna ng host na si Rufa Mae Quinto ang boxing champ at sinabing ang cute-cute daw ni Manny nang hapon na yun. Gandang-ganda rin si Rufa Mae sa polo at sweatshirt ni Manny.
Unang tanong kay Manny ay kung totoo ba na ang laban niya kay Oscar dela Hoya sa December 6, 2008 ay magiging huling laban na niya at pagkatapos nito ay magreretiro na siya.
"Hindi naman," sagot ni Manny. "Yung mother ko, gusto niya, last fight ko na yung December 6. Pero sabi ko, ‘Ma, malakas pa siguro ako. At kaya ko pang lumaban ng mga ilang laban.' Siguro, malapit na rin, darating na rin ang panahon na magre-retiro na ako."
Sabi naman ni Rufa Mae, sobra raw focused si Manny kapag nag-eensayo at sobra raw nitong kina-career ang laban nito.
"Ganoon talaga ako. Yun man lang, sa isang negosyante, ang puhunan nila pera. Ako naman, ang puhunan ko bilang boksingero para manalo sa fight ay yung pagtitiyaga ko at sakripisyo para manalo sa training," paliwanag ni Manny.
Sa kabila ng sinasabi niyang pag-focus niya sa ensayo, may mga lumalabas na balita na nagagawa pa rin daw gumimik ng Pambansang Kamao. Totoo ba ito?
"Well, dati gumigimik ako pagkatapos ng fight," pag-amin ni Manny.
Natawa si Rufa Mae na hindi raw niya masabi ng direkta ang tanong. So, tinanong na lang nito si Manny kung ano ang ginagawa nitong gimmick.
"Siguro dati kasi, yung mga kaibigan ko, mahilig maglabas-labas, so sumasama ako sa kanila. Pero ngayon, iniwasan ko na yung mga ganoong bagay dahil I realized na isa na akong ama. At yung pamilya ko, maapektuhan sa kung anuman ang mga ginagawa ko," pahayag niya.
Kinagabihan ay umalis na ng bansa si Manny para maghanda muli para sa laban niya kay dela Hoya. Kaugnay nito, tinanong naman ni Mo Twister si Manny kung gaano siya ka-confident na uuwi siyang muli rito sa Pilipinas bilang winner sa kanilang laban sa December 6.
"Wala akong pag-alinlangan at pagdadalawang-isip na matatalo ako sa fight," sagot ni Manny. "Kasi kung iisipin mo yun, parang dini-discourage mo ang sarili mo. Ang palagi ko kasing iniisip, kaya ko, lahat kaya ko. Kasi alam ko na guided ako ng Mahal na Panginoon."
May special strategy kaya si Manny dahil si Oscar dela Hoya ang makakalaban niya?
"Wala sa laki ng katawan ‘yan," sagot ni Manny na mas maliit kesa kay dela Hoya.
MANNY AS A FAMILY MAN. Kinumusta naman ni Ruffa Mae kay Manny ang asawa nitong si Jinkee Pacquiao, na apat na buwang buntis sa panga-apat nilang anak. Balitang babae ang dinadala ngayon ni Jinkee sa kanyang sinapupunan. Ano ang pakiramdam ni Manny na magiging dalawa na ang kanyang anak na babae?
"Masaya!" bulalas niya. "Kasi, perfect ang pagkakagawa ko. Dalawang lalaki, ‘tapos dalawang babae naman na sunod. Nagkatotoo na sabi ko, dalawang lalaki, dalawang babae."
Speaking of Jinkee, naging solid supporter naman daw ang asawa sa kanyang career. Pero masasabi ba ni Manny na nagkaroon sila ng malaking away ni Jinkee dahil sa mga intriga?
"Marami!" natatawang pag-amin ni Manny.
Pero ayaw sagutin ni Manny nang tanungin siya ni Rufa Mae kung ano ang isang intriga na pinag-awayan nila nang husto. "Ako kasi, kapag nag-aaway kami, kapag inaaway ako ng misis ko, mas lalo siyang nagagalit. Tinatawanan ko lang siya at tumatawa ako," lahad ni Manny.
- Manny Pacquiao a changed man since he started reading the Bible
- Jinkee Pacquiao says husband Manny has changed for the better: "Laging nasa bahay, nagbabasa ng Bible, nanonood ng sine, ng TV."
- THE PEP LIST : Pinoy Pride 2011 (Those who put the Philippines on the map!)
- Manny Pacquiao not convinced his performance against Juan Manuel Marquez was his best, but insists he won the fight
- Manny Pacquiao responds to critics on his controversial victory over Juan Manuel Marquez
Get showbiz news anytime, anywhere on your mobile! Just key in PEP ON and send to 4627. Available to all Sun, Globe, and Smart subscribers.
More News
- Alex Gonzaga hosts new game show with Chris Tiu
- Saab Magalona enjoys playing a villainess in new series
- Liz Uy keeps mum about rumored romance with Ely Buendia; refuses to comment on PNoy-Grace Lee hookup
- Katrina Halili on Hayden Kho's return to showbiz: "Ow? That guy? He's coming back? Oh, good luck to him!"
- Lea Salonga compares professionalism of teen stars then and now: "It just seems to be a different culture, it just seems to be a very different showbiz..."
- Barbie Forteza walkout on the set not true, says mom; they were given permission to leave early because they had a plane to catch
-
In Focus
John Lloyd Cruz chooses to keep silent about Shaina Magdayao
John Lloyd: "I am indeed better than ever."
-
Looking Back
Star For All Seasons Vilma Santos looks back at her 50 years in showbiz
Vilma names her most memorable films and favorite leading men.
-
Fact or Fiction
Ogie and Manilyn share drama moments in new serye, Daldalita.
-
Society Watch
Divine Lee supports gender equality and gay rights.
Most Popular
- Marian Rivera explains visit to taping of a TV5 show; comments on Iza Calzado's transfer to ABS-CBN
- Grace Lee on President Noynoy Aquino: "I like him."
- Part 2 Dolly Anne Carvajal on Carmina Villarroel-Claudine Barretto issue: "I stand by my story."
- Kris Aquino: "Annulment is not a cause for joy. The truth is, it was a marriage that failed but it's a cause for optimism."
- Talent manager Shirley Kuan on columnist Dolly Anne Carvajal: "She can stick to her story. She has a story to tell, fine. But it's a lie."
- PEP SPECIAL REPORT PART I: Why the marriage of Kris Aquino and James Yap was declared null and void
- Mark Bautista remains friends with Piolo Pascual after being involved in the actor's breakup with KC Concepcion
- Hayden Kho, Jr. insists there is "NO infidelity issue" between him and Dra. Vicki Belo; apologizes to Nancy Castiglione
- Director Mac Alejandre talks about his four-year contract with TV5 and reveals the real reason he left GMA-7
- Part 2 Ynna Asistio to Annabelle Rama: "Bakit napakahirap na pakawalan kami kung talagang ayaw mo sa amin at ipinilit lang kami ng nanay ko sa iyo?"
Advertisement
