Naging emosyunal si Sid Lucero pagkatapos tawagin ang pangalan niya bilang Best Actor para sa pagganap niya sa Selda sa Gawad Urian, na ginanap noong Miyerkules ng gabi, October 1. Nagkataon namang ang ama niyang si Mark Gil ang nag-present ng award kaya naging mas espesyal ang pagwawagi ni Sid, na naka-tie si Jason Abalos para naman sa Endo.
Yumakap muna si Sid nang mahigpit kay Mark Gil bago nagbigay ng kanyang acceptance speech sa Little Theater ng Cultural Center of the Philippines.
Nang makausap ng PEP (Philippine Entertainment Portal) si Sid after ng photo-op ng mga nanalo, nasabi niyang isa sa talagang inaasam niya ay ang Urian trophy, na ipinapamahagi ng Manunuri ng Pelikulang Pilipino.
"I've always wanted one of these!" natatawa niyang pag-amin. "My dad told me one time that one of the award-giving bodies that really matters is Urian."
Halatang shocked pa rin si Sid sa kanyang pagwawagi. Galing daw kasi siya sa taping ng Ligaw na Bulaklak at pagkatapos ng awards night ay bumalik siya ulit sa taping. Talagang pinagbigyan lang daw siyang dumalo saglit sa awards night.
Dahil ang ama niya ang naging presentor sa kategoryang Best Actor, ang impression tuloy ay parang isinalin lang sa kanya ng ama ang trophy.
"Well, it took me a while before I realized it's happening. Ricky [Gallardo, Sid's manager] was already congratulating me. And on my way to the stage, I couldn't help but... When I gave my dad a hug, basically I said, it's like, ‘I hope, Dad, you're proud of me.' That's what my hug to him meant."
Noong ini-interview ng entertainment press si Sid, doon pa lang tila nag-sink in sa kanya na siya nga ang pumalit sa daddy niya for Best Actor last year. Nanalo last year si Mark para sa performance niya sa digital movie na Rotonda. Kung last year ay si Robin Padilla ang nag-present ng Best Actor trophy kina Rustom at Mark; this year ay sina Mark at Rustom naman ang nag-present ng award kina Sid at Jason.
"Yeah, yeah, oo nga pala!" sambit ni Sid. "I didn't really feel that it's my time to get something like this. I probably go older in the industry before I get something as great as this. I guess the biggest surprise is that it's coming early and the best part of this is that, it was presented to me by my father."
Okay lang ba sa kanya na may ka-tie siya sa award?
"Of course, of course!" maagap niyang sabi. "I mean, Ricky and I, we were talking about it. And we were talking how it feels good to be part of this. And you won't feel bad and, in fact, you're happy. And when I was looking at the souvenir program, it's like I am part of the greats! It's hard to feel bad!" masaya pa rin niyang sabi.
Bagamat kilala na si Sid bilang isa sa pinakamalalim na aktor ng kanyang henerasyon, mas identified siya sa indie films. Mas gusto ba niya ang ganitong impression sa kanya?
"I'm happy with whatever the industry puts on my plate. And whether it's TV, commercial films, or independent films, it doesn't matter as long as I'm working the way I want to. Anything to do with films. If I'm not acting, I'll be working behind the camera," pahayag ni Sid.