Nag-audition pala si Nikki Bacolod para sa role ng isang sirena para sa fantaserye ng ABS-CBN 2 na Dyosa kunsaan bida si Anne Curtis. Since swimmer naman si Nikki, kakayanin naman daw niya ang papel na sirena.
Pero hindi nga sa kanya nabigay ang role na sirena kundi ang role ng main kontrabida na si Diana ang ibinigay ni director Wenn Deramas. Nagulat nga raw si Nikki at sa kanya ipinagkatiwala ang malaking role na iyon na noong una ay ayaw niyang tanggapin.
"Feeling ko kasi noong una ay parang hindi bagay sa akin. Parang hindi ko kakayanin kasi based on the script, very demanding ang role. I wanted to back out pero sinabi sa akin ni Direk Wenn na kaya ko raw kasi may nakikita siya sa akin na kaya kong gampanan ang gano'ng klaseng role. Pag-aralan ko lang daw nang husto.
"With the help of Direk Wenn, plus Ms. Jaclyn Jose who plays my mother, I was able to pull it off. At first nahirapan ako na ilabas ang kontrabida character, pero ngayon parang ang dali na. Nalalagay ko na ang sarili ko sa character ni Diana."
UPSTAGING ANNE. Marami tuloy ang nagsasabi na mas maganda raw ang pagkakaganap niya sa Dyosa kesa sa mismong bida na si Anne Curtis. Sa mga nagiging eksena raw nila ay nasasapawan niya si Anne sa pag-arte. Natawa lang si Nikki dahil may kanya-kanyang moments naman daw sila ni Anne sa show.
"It's still Anne's show at kontrabida lang niya ako. If they find me very effective sa role ko as Diana, nagpapasalamat ako because it's my first time to do such a role and I enjoy doing it. Kaya siguro sinasabi nila na effective ako is because ini-enjoy ko na ang pagiging kontrabida. Parang lumalabas na siya ng natural sa akin.
"As for Anne, magkaibigan kami niyan. We are both under the same management (Viva Artist Agency) at tuwing taping namin, nagkukuwentuhan pa kami at pinag-uusapan namin yung eksena. Wala namang sapawan. Nasa eksena naman kasi lahat, e. In the end naman, si Anne pa rin ang bida ng show."
Bukod nga sa Dyosa, nasa pelikulang Baler din si Nikki bilang kaibigan naman ni Anne Curtis. Kahit na nga busy si Nikki both in TV and movies, hindi pa rin niya nakakalimutan ang pagiging singer niya.
"I still do shows out of town kapag wala kong tapings or shootings. First love ko ang singing kaya I can't exchange that for acting. Kelan lang I went to my hometown in Iligan City to do a homecoming show. I have singing engagements na naka-schedule for November and December, kaya tuluy-tuloy pa rin ang singing career ko."
NO BOYFRIEND YET. At 19 years old, wala pang nagiging boyfriend si Nikki. May mga naging manliligaw na siya noon pero wala raw siyang sinagot pa dahil feeling niya ay hindi pa siya handang makipagrelasyon.
"I'm still young and I have plenty of years ahead of me to get into a relationship. I had suitors before pero hindi ang makipag-boyfriend ang interest ko noon, e. I'm more concentrated on school and then my singing career. Ngayon at may iba pa akong ginagawa, lalo akong walang time to entertain suitors.
"I'm not really looking for a boyfriend now. Kasi wala naman akong reason to get into a relationship now. Sabi nga ng mommy ko, when the right time really comes, doon ko na mararamdaman ang need na magkaroon ng special someone.
"Kaya enjoy ko na lang daw ang pagiging available ko. I can go on dates, pero no serious stuff muna. It's my choice naman, e. And I choose to be friends muna with boys."